Kooperasaun Alemaun fó 6 MEuro ba Mosambike hodi konserva biodiversidade

Ajénsia Alemaun Kooperasaun Internasionál asina akordu ida ho Mosambike  hodi fó doasaun liuhosi banku alemaun dezenvolvimentu KfW nian, euro millaun 6 ba Fundasaun ba Konservasaun Biodiversidade -- BIOFUND.



Embaixadór alemaun iha Maputu, Philip Sauer fó sai ona Alemaña nia kontribuisaun, iha sesaun solene aprezentasaun públika BIOFUND nian, iha juñu 2015, haktuir fundasaun ne’e iha komunikadu.

Ho doasaun ne’e, Ajénsia Alemaun Kooperasaun Internasionál nia kontributu ba BIOFUND -- entidade privada, sein fin lukrativu, ho objetivu hodi finansia konservasaun biodiversidade ho forma sustentável- ho totál euro millaun 16, haktuir entidade ne’e.

Hamutuk ho doasaun sira seluk, hosi Banku Mundiál/ Global Environmental Facility no Conservation International, iha momentu ne’e BIOFUND iha totál osan hamutuk dólar millaun 22 (euro millaun 19,6).

"Prevee atu BIOFUND komesa finansia área sira konservasaun nian liuhosi nia fundu sira, uza rendimentu sira nia investimentu nian, ho mós fundu sira seluk ne’ebé reforsa", haktuir iha komunikadu.

Tuir kritériu sira Conservation Finance Alliance (CFA) nian, BIOFUND mak fundasaun ambientál dahuluk iha Mosambike.

SAPO TL ho Lusa

horadoplaneta às 07:03 | link do post | comentar | Adicionar aos favoritos