Tempestade hamosu problema sira iha Díli ho ai-hun barak monu no laiha eletrisidade

Tempestade maka'as ida ho anin ho udan maka'as ne'ebé akontese la to'o minutu 30 hamosu problema oioin durante loron-segunda loraik ne'e iha Díli ho ai-hun sira monu hodi hamate ahi iha pontu oioin iha kapitál timoroan nian. 

 

Foto: António Casais

 

Laiha relatu ba vítima sira tanba tempestade ne'ebé akontese iha loron-segunda loraik iha oras lokal.

 

Ekipa hosi Eletrisidade sira Timor-Leste nian (EDTL) iha loraik ne'e tenta rekupera ligasaun oioin ne'ebé mate tanba ai-hun sira ne'ebé monu, hanesan akontese iha Avenida de Portugal, besik delegasaun Lusa nian.

 

Ai-hun barak monu besik iha Palásiu Governu, iha bairu Lecidere no iha sentru sidade nian, hamosu ahi mate iha tempu naruk.

 

"Iha problema barak iha fatin oioin iha sidade", hatete hosi fonte EDTL nian ba Lusa hodi esplika katak iha ekipa sira ne'ebé serbisu hela.

 

Ai-hun ida monu kona iha karreta ida ne'ebé para iha bairu farol ho ahi mate iha fatin oioin iha kapital timoroan nian.

 

Bee nakonu iha fatin oioin , inklui besik iha Embaixada Xina no Japaun nian no iha edifísiu CPLPnian, iha Parlamentu Nasional nia oin no besik iha Palásiu Prezidente Repúblika nian, ho mota ki'ik sira lori foer tonelada resin ba tasi-ibun no ba tasi.

 

Fonte sira hosi Timor Telecom konfirma ba Lusa katak tempestade la hamosu problema sira ba nia infraestrutura, maski interompe tiha durante tempu badak sinal hosi satelit nian.

 

ho Lusa

horadoplaneta às 16:13 | link do post | comentar | Adicionar aos favoritos