Hetan ona insektu ida ne’ebé bot liu iha mundu

Hetan ona insektu ida ho naruk besik to’o metru ida, iha parte sul Xina.


Foto: DR


Insektu-ai-tahan nian ida ho sentímetru 62,4 hetan ona iha Gunagxi, provínsia sul Xina, tinan rua liu ba, no agora hetan tan insektu ida ho naruk besik 807.625 iha mundu, tuir ajénsia Xinhua fó sai no sita hosi Muzeu Insektu hosi Oeste Xina.

 

Rekorde dahuluk ho insektu-ai-tahan hosi Malázia ne’ebé hetan iha 2008 ho naruk media sentímetru 56,7 no agora promove hosi Muzeu Istória Naturál  Londres.

 

Sientista Zhao Li simu alerta hosi populasaun lokál katak sira haree insektu ida ne’ebé bot ho naruk besik to’o metru ida, hanesan liman-fuan inan hosi ita-ema nian.  Hahú hosi ne’e maka sientista ne’e la’o buka. No durasaun ba buka insektu refere tinan neen.

 

"Ha’u halo rekolla ba insektu sira iha foho ne’ebé ho aa metru 1.200 iha sidade Guanxi Liuzhou, 16-agostu-2014 kalan, bainhira mosu lalatak nakukun hosi aitahan ninia ramu ida" tenik Zhao Li.

 

"Bainhira ha’u hakbesik-aan ba, ha’u sente hakfodak tanba hetan fali insektu ida ne’ebé ninia ain naruk hanesan ho nia-isin lolon", hatutan tan sientista ne’e.

 

Insektu ne’e hanaran "Phryganistria chinensis Zhao" ba iha ninia omenajen.

 

Hetan ona insektu kiik ba aitahan oioin hamutuk rihun 3 to’o oras ne’e, tuir ajénsia Xinhua fó sai.

 

SAPO TL ho Renascença

horadoplaneta às 07:54 | link do post | comentar | Adicionar aos favoritos