Estrada ne’ebé furak liu iha mundu maka iha Porto Alegre, Brazil

Iha sidade brazileiru Porto Alegre nian, ho naran Rua Gonçalo de Carvalho konsisti hosi avenida ida ho ai-hun sira ne’ebé aas to’o metru 500 ne’ebé bele tama ho di’ak ba ranking estrada ida furak liu iha mundu. Ai-hun sira tipuana nian okupa dalan ninin sira, kria nune’e arku verde ida ne’ebé sai hanesan ai-laran ida iha sidade ninia laran.

 

 

Ai-hun sira iha dalan ninin sira kuda iha dékada tinan 1930 no hetan nune’e forma kobertura ida ne’ebé halo mahon ba ema sira ne’ebé la’o ain iha tinan 70 ikus ne’e, informa Inhabitat.

 

Haree hosi leten hanesan ai-laran ida ne’ebé maka invade iha fatin mamuk sira entre prédiu urbanu sira.

 

Iha tinan 2005, ai-hun sira hetan risku atu tesi tanba konstrusaun sentru komersiál ida nian iha área ne’e. Ema sira ne’ebé hela besik estrada ne’e halo protestu no konsege lori deklarasaun área nian nu’udar patrimóniu kulturál, paisajístiku no ambientál ne’ebé tenki prezerva ho di’ak.

 

Tipuana sira hanesan ai-hun ho orijen hosi Amérika-Súl no ninia aas bele atinji to’o metro 30,5. Ninia abut sira ne’ebé naruk bele estraga estada, paseiu no uma sira ne’ebé besik maibé konstrusaun ba fosu espesiál sira bele evita problema sira ne’e.

 

Bainhira sira fó funan, ai-hun sira ne’e hatudu ai-funan amarelu sira ne’ebé furak.

 

 

Sapo TL no Green Savers 

horadoplaneta às 12:18 | link do post | comentar | Adicionar aos favoritos