Kompetisaun Mundial vídeo #Film4Climate

Kompetisaun Mundial vídeo #Film4Climate aprezentadu iha Festival Cannes 2016 iha Plage Royale hosi diretora Connect4Climate Lucia Grenna. 

 

 

Konferénsia hetan prezensa hosi parseiru sira hosi inisiativu hodi ko'alia kona-bá kolaborasaun foun sira ne'ebé hakarak halo produsaun sinematográfiku sustentável ida. Liuhosi kolaborasaun internasional, parseiru sira hosi indústria sinematográfiku hakarak aumenta espozisaun no apoiu ba filmi sira ne'ebé ko'alia kona-ba kestaun alterasaun klimátiku sira nian.

 

Inisiativu sinematográfiku ne'e apoia konkretizasaun hosi objetivu 13 hosi Objetivu sira Dezenvolvimentu Sustentável ONU nian, hodi alerta ba nesesidade urjente hosi asaun hodi kombate alterasaun klimátiku sira.

 

Kompetisaun

 

Kompetisaun Mundial vídeo #Film4Climate konvida joven realizadór sira hosi mundu tomak hodi hatudu nia hanoin ba futuru sustentável ida liuhosi vídeo ida ne'ebé foka ba asaun klimátiku sira, hanesan objetivu 13 hosi Objetivu sira Dezenvolvimentu Sustentável hosi ONU nian. Vídeo tenki destaka ema sira ka komunidade sira hodi hala'o asaun hodi trava alterasaun klimátiku, oferese solusaun sira no inspira mudansa pozitivu ida ne'ebé kombate alterasaun klimátiku sira no nia impaktu sira.

 

Realizadór sira hetan korajen hodi esplora narativu pesoal ne'ebé analiza kestaun fundamental sira hanesan:

  • Saida maka signifikadu hosi alterasaun klimátiku ba ó?
  • Asaun saida maka ha'u halo hodi hamenus avansu hosi akesimentu global?
  • Saida maka ha'u nia mensajen ba mundu kona-bá asaun klimátiku?

 

Filmi sira tenki iha minutu lima hodi bele kualifikadu. Kompetisaun sei nakloke ba sineasta sira no aspirante sira ne'ebé iha tinan entrre 14-35. Vídeo sira tenki haruka to'o loron 15 Setembru 2016.

 

Atu hatene liu kona-ba regra sira kompetisaun no rekerimentu sira, vizita: connect4climate.org

 

 

@SAPO Timor-Leste

horadoplaneta às 17:06 | link do post | comentar | Adicionar aos favoritos