Malázia iha parke mariñu ho hektar millaun ida

Liutiha tinan 13 negosiasaun no planeamentu entre grupu sira konservasaun nian, governu no indústria peskeira nian, Malázia konsege hetan ona parke mariñu ho hektar millaun ida. 

 


Tun Mustapha Park, situadu iha provínsia Sabah, iha Triángulu Koral nian, hanesan uma hosi espésie oioin ne'ebé iha perigu laran, hosi animal dugongo to'o lenuk verde sira. Hamutuk ikan hosi espésie 360 resin, koral ho espésie 250 resin no vejetasaun hanesan ai-mangal kontribui ba rikusoin hosi fatin oseániku ne'e.

 

Área ne'ebé parke ne'e halo parte sofre ona tanba prátika insustentável sira hosi peka maibé ekipa peskiza serbisu nafatin iha projetu, deskobre ona katak, hosi resife sira ne'ebé ezaminadu, 57% resin sei klasifika hanesan "di'ak tebes" ka "di'ak".

 

Ekipa rejista mós poluisaun no bomba hamutuk 15 ne'ebé uza iha peska ho esplozivu sira, ne'ebé halo tubaraun sira ka lenuk tasi sira ladún mosu, hanesan típiku hosi ekosistema fraku no iha luta hodi moris.

 

Tuir World Wildlife Fund (WFF) Malázia nian rejiaun sira ne'ebé terus hosi estraga sira ne'e bele rekupera, hanoin ona katak entre tinan tolu no tinan lima rekuperasaun nian ba zona sira ne'ebé ladún hetan estraga no tinan lima no tinan sanulu ba zona sira ne'ebé afetadu liu, bele le iha inhabitat.

 

No hanesan dalan hodi proteje rejiaun no hametin ekilíbriu entre konservasaun no nesesidade sira hosi komunidade lokal sira, Tun Mustapha Park nomeia ona zona sira hosi "uzu sustentável" ne'ebé indústria peskeira lokal de'it maka bele halo peska.

 

Parke iha mós potensial hosi ekoturizmu iha nia illa hamutuk 50, ne'ebé vizitante sira bele halo atividade oioin, hahú hosi mergullu to'o voluntariadu iha fatin sira nidifikasaun ba lenuk sira ka relaxa iha tasi-ibun sira ho rai-henek mutin.

 

Fonte: Green Savers

horadoplaneta às 15:49 | link do post | comentar | Adicionar aos favoritos