Nova Iorke sei iha tasi-ibun iha ponte Brooklyn ninia okos

Aprezenta ona planu ida ne’ebé sei transforma faixa abandonadu ida iha Manhattan ba tasi-ibun ida ba nova-iorkinu sira. Sei harii iha ponte Brooklyn ninia okos no sei kusta besik euro millaun lima.

 

 

Planu – aprezentadu iha loron-kinta – hakarak harii tasi-ibun ida besik mota Manhattan nian, iha ponte Brooklyn ninia okos. Projetu foun ne’e implika investimentu ida besik euro millaun lima no dura tinan lima.

 

Christine Quinn, hosi Konsellu Munisipál, esplika: “Remodelasaun rejiaun tasi-ibun nian iha ponte Brooklyn sei transforma espasu kosta ida nian – ne’ebé ema haluha no la uza – ba fatin ida ne’ebé karik sei uza hodi pasa férias besik uma”.

 

“Nova-iorkinu sira no mós turista sira bele uza fatin úniku no inovadór ne’e. Nune’e mós, sidade ne’e iha ligasaun nafatin ba bee no agora ami halo fali ligasaun ho ami ninia rekursu boot ne’e”, nia hatutan.

 

Sapo TL no Visão

horadoplaneta às 16:46 | link do post | comentar | Adicionar aos favoritos