NASA revela imajen dahuluk Júpiter nian

Imajen foun ne’ebé sonda "Juno" hasai iha loron 10 Jullu, loron ne’ebé Portugál manán finál Europeu, iha momentu ne’ebé “Juno” iha, iha kilómetru millaun 4.3 hosi planeta jigante.

Ajénsia espasiál norte-amerikana NASA divulga fotografia dahuluk Júpiter nian, maiór planeta iha sistema solár, ne’ebé nave “Juno” hasai.

 

“Imajen JunoCam nian ne’e hatudu katak primeira pasajen sobrevive liuhosi radiasaun estrema sein kualkér degradasaun no prontu bá Júpiter”, afirma Scott Bolton, xefe Projetu Juno nian.

 

Imajen foun Júpiter nian ne’e hasai iha loron 10 Jullu, loron ne’ebé Portugál manán finál Europeu, iha altura ne’ebé “Juno” iha, iha kilómetru millaun 4.3 hosi planeta jigante.

 

Fotografia ho kór hatudu prinsipál karakterístika atmosférika balun koñesida iha Júpiter, liuliu pontu mean boot, no fulan Io, Europa no Ganimedes.

Nave “Juno” sei kontinua hasai foto hahú hosi órbitra Júpiter. Sei hasai imajen dahuluk sira ho alta rezolusaun iha loron 27 agostu, bainhira sonda halo aprosimasaun ba astru.

 

Sonda ne’ebé tama iha órbita Júpiter iha semana kotuk, mak ida ne’ebé séria liu no karun– ho folin dólar rihun millaun - tentativa ema nian hodi buka deskobre segredu sira planeta nian “matulão” sistema solár nian, boot liu fali sira seluk hamutuk hotu.

 

SAPO TL ho Renascença

 

horadoplaneta às 02:53 | link do post | comentar | Adicionar aos favoritos