14 illa hosi Pasífiku prepara bandu global dahuluk ba kombustível fósil sira

Illa sira hosi Pasífiku hamutuk 14 prepara daudaun bandu global dahuluk ba kombustível sira ne'ebé mosu liuhosi prosesu natural, dalan ida ne'ebé ko'alia daudaun iha simeira hosi PIDF (Pacific Islands Development Forum) no sei halakon mina sira karvaun nian, reforsu hosi investimentu iha renovável sira no limiti ba aumentu temperatura nian. 

 

 

"[Nasaun sira] fiar katak ne'e hanesan dalan ida ne'ebé Pasífiku bele hatudu fali ka harii fali lideransa moral no polítika ida ne'ebé antes hatudu tiha ona", esplika hosi Mahendra Kumar, konselleiru hosi alterasaun klimátiku PIDF nian, ba Guardian.

 

Responsável hatete katak tratadu ne'e hakerek hosi grupu ida ONG ho naran PICAN (Pacific Island Climate Action Network) no sei iha konsulta oioin ne'ebé sei hatama iha relatóriu ida ne'ebé lansa iha 2017. Bainhira hetan aprovasaun, bele hala'o iha tinan 2018.

 

Harii iha tinan 2013, PIDF hanesan ideia ida hosi Illa sira Fiji nian ne'ebé, ho própozitu, halo ona Nova Zelándia no Austrália sai hosi fórum. Illa hamutuk 14 hosi Pasífiku iha objetivu sira "agresivu" tebes hodi kombate alterasaun klimátiku, inklui asesu universal ba enerjia moos to'o tinan 2030.

 

Relatóriu sei hato'o mós Kuadru Pasífiku dahuluk ba Enerjia Renovável sira, estabelese mós fundu ida hodi kompensa komunidade sira ne'ebé terus ba konsekuénsia hosi alterasaun klimátiku sira.

 

Fonte: Green Savers

horadoplaneta às 15:21 | link do post | comentar | Adicionar aos favoritos