National Geographic: inskrisaun hodi deskobre fotografia kona-ba natureza tinan 2016 nian loke ona ohin

Horisehik, loron 15-agostu, sei loke inskrisaun ba konkursu fotográfu di'ak ba tinan Natureza hosi revista National Geographic. Ba ema sira ne’ebé ninia fotografia hetan eskolla, sente hanesan onra bot ida, maibé ba tinan ne’e, vensedór edisaun 2016 nian, sei manan mos viajen loron 10, ba iha illa Galápagos, durante loron rua, iha kompañia espedisaun National Geographic.


Ba sira ne’ebé hakarak halo parte iha konkursu ne’e bele haree regra submisaun fotografia nian klean liu tan iha ne’e, maibé ami fó sai katak, konkursu ne’e ba kategoria haat: paizajen, meiu ambiente, asaun no animal. Imajen hothotu hetan apresiasaun hosi komunidade online fotografia National Geographic, Your Shot, ne’ebé membru hoothotu bele fó koment’ariu no eskolla ne’ebé sira hakarak.

 

“Konkursu ba fotográfu natureza tinan 2016 hanesan oportunidade ida ba fotográfu hothotu atu hatudu ba ita kona-ba poder natureza nian nomós domin ne’ebé sira iha ba natureza refere, liu hosi sira-ninia imajen”, tenik Sarah Leen, diretora fotografia ba revista National Geographic. No nia mos hatutan tan katak: “Kada tinan ami-ninia juri sira sente paixaun ne’ebé inkrivel nomós hakarak haree imajen sira ne’ebé ho kualidade, no ba tinan ne’e ha’u fi’ar katak sei akontese hanesan nafatin”.

 

To’o 4-setembru-2016, imajen sira ba konkursu bele submete ona ba juris sira atu haree. No to’o iha finál tinan ne’e, karik iha dezembru nia laran, bainhira fó sai ona rezultadu ikus, ami sei halo selesaun ba fotografia hirak ne’ebé furak, atu hodi haree.

 

SAPO TL ho Green Savers

horadoplaneta às 03:14 | link do post | Adicionar aos favoritos