Inglaterra: hatene ona jardin ne’ebé perigozu liu iha mundu?

Iha Alnwick, parte norte Inglaterra, iha jardin ida ne’ebé lahanesan ho jardin seluk. Kria hosi aristokrata exséntrika, Helen Percy, dukeza Northumberland nian ne’ebé kompostu hosi aihoris oioin ne’ebé bele…hamate ema ka oho.


 

Atu alkansa ninia projetu insólitu ne’e, Helen Percy tenke muda ninia influénsia, tanba kultura hosi espésie letál ne’ebé baibain presija iha norma ríjida. Hetan tiha lisensa hosi governu británika, maka dukeza ne’e kontrata enjeñeiru paizagista sira, ne’ebé susesu maka’as iha merkadu, belga Jacques ho Peter Wirtz hodi hala’o obra refere, no iha inisiu …sira lauza luvas.

 

Aihoris barak iha jardin ne’e maka ital abele ka’er ka bok, tanba aihoris sira ne’e ninia kaule, tahan no korola, mesak venenu de’it. Iha espésie balun ne’ebé ita labele besik hodi horon, tanba de’it ai hirak ne’e ninia polén ne’ebé letál. Ita bele dehan katak, aihoris hirak ne’ebé ezisti, la’os aifunan ne’ebé it abele horon. Tuir vídeo hosi Great Big Story hatudu vizita iha jardin laran.

 

Jardin dukeza Northumberland loke ba úbliku iha 2005. Iha jardin refere ita bele hakfodak ho ai hirak ne’ebé ho beladona, sikuta no mandrágora. Iha ema balun maka dehan katak jardin refere maka perigu liu iha mundu, maibé hosi ai hirak ne’e, ida ne’ebé maka fó liu ameasa, kuda hotu iha gaiola, ka halo muru haleu tiha.

 

SAPO TL ho GreenSavers

horadoplaneta às 03:43 | link do post | comentar | Adicionar aos favoritos