App foun hosi NASA transforma utilizadór sira iha "sientista sivil sira"

NASA dezafia daudaun utilizadór sira hodi iha liu atensaun ba buat sira ne'ebé haleu ita no, iha tempu hanesan, ajuda komunidade sientífiku sira hodi komprende di'ak mundu ne'ebé ita moris ba. 

 

 

Naran GLOBE Observer no hakarak transforma utilizadór sira iha "investigadór sira kampu nian". Objetivu hosi app gratuitu ne'e maka rekolla imajen sira ne'ebé bele tulun estudante sira no akadémiku sira hosi Siénsia sira iha nia investigasaun sira kona-bá Rai, hodi serbi hanesan komplementu ba informasaun sira ne'ebé hetan hosi satelit sira.

 

NASA dezafia utilizadór sira hodi kapta imajen kalohan sira nian. Imajen sira ne'e sei tulun estudante no sientista sira iha mundu tomak hodi estuda kona-ba ita nia planeta no nia fenómenu sira, hanesan ezemplu kona-ba alterasaun klimátiku sira.

 

Hafoin download tiha app ne'e, imajen sira sei halo parte iha baze informasaun ida hosi GLOBE, ne'ebé hafoin ne'e bele asede hosi komunidade sientífiku mundial nian.

 

Liuhosi GLOBE Observer, "sientista sivil" sira klasifika kalohan hanesan moos ka nakukun, no, iha kazu ikus, karakteriza kalohan sira ne'ebé sira haree. App sei prenxe automátiku informasaun sira relasionadu ho lokalizasaun no oras nian.

 

La presiza internet hodi kapta imajen sira liuhosi app, presiza de'it hodi hatama ba avaliasaun hosi matenek-na'in sira hosi GLOBE ne'ebé sei publika imajen sira iha site projetu nian.

 

GLOBE Observer disponível ba Android ho iOS.

 

Fonte: SAPO Tek

horadoplaneta às 15:19 | link do post | comentar | Adicionar aos favoritos