Liu ema rihun 120 sei afetadu tebes hosi fenómenu El Niño iha Timor-Leste

Liu ema rihun 120 kontinua " afetadu tebes" hosi fenómenu klimatériku El Niño, ne’ebé sente  iha  Timor-Leste iha 2015 ho tinan ida ne’e, no provoka korte signifikativu iha produsaun sereál no animál rihun 70  maka mate.


Foto :olp

 

Balansu ida ne’ebé fó sai hosi Nasoins Unidas estima katak folin hosi animál ne’ebé lakon no animál seluk  atinje dólar millaun 13 ho produsaun média anuál iha sereál tuun ba tonelada rihun 162 (entre 2011 no 2014) ba tonelada rihun  129  iha tinan kotuk.

 

Tinan ne’e, tuir estimativu Ministériu Agrikultura timoroan, produsaun bele tuun  deit ba tonelada rihun 70, dook liu hosi konsumu anuál ho tonelada rihun  258 , tamba ne’e husik hela  falta boot ida  iha nasaun  ho tonelada rihun  188.

 

Fenómenu El Niño ne’e  alterasaun entre fulan 12 to’o  18 iha distribuisaun temperatura hosi superfísie bee iha oseanu Pasífiku ne’ebé  fó  efeitu iha meteorolojia rejiaun nian.

 

Espesialista sira refere katak fenómenu 2015 – ida hosi boot tolu ne’ebé  rejistadu ona – hahú iha maiu tinan kotuk, ho intensidade ida entre "moderada no forte", prolonga to’o  inísiu 2016.

 

Pontu situasaun, ne’ebé abranje períodu entre abril no inísiu setembru tinan  ne’e, preparadu ona hosi gabinete Rezidente Koordenador Nasoins Unidas ihaTimor-Leste.

 

Avaliasaun hatudu katak impaktu maka’as liu sente iha rejiaun Lautem, Viqueque no Baucau, leste nian no iha Covalima, sul illa nian, ho hahán, bee, saneamentu, saúde no nutrisaun hanesan  prioridade  ba apoiu ne’ebé presiza.

 

Udan  kontinua iha nível kiik ba media istórika anuál nian, ho klima halo " monu ho  signifikativu iha produsaun", kauza liu inseguransa ba ai-han iha família ne’ebé moris ho situasaun vulnerável.

 

Ho totalidade, nota hosi análiza ne’e, ema rihun 400 ne’ebé afetadu hosi sira rihun 120 " afetadu maka’as liu"

 

"Ho  sereál ne’ebé menus signifikativu durante tinan rua tuir malu, bailoro husik moos presaun boot ba rekursu limitadu iha família rurál sira", nota dokumentu ne’e no refere katak  iha sinál katak 50% hosi labarik no 27% hosi feto sira iha nutrisaun ladi’ak.

 

Organizasaun Meteorolójika Mundiál refere katak  iha probabilidade (entre 50 no 65%) katak trimestre ikus tinan ne’e  Timor-Leste moris iha efeitu La Niña, fenómenu inversu ba El Niño, ho zona ne’ebé hetan bai-loron udan maka’as duké  normál tuir periodu ne’e nian.

 

Kazu karik akontese, nota Nasoins Unidas, ne’e bele  halo komunidade ne’ebé afetadu hosi  El Niño "hasoru risku boot".

 

Atu  responde ba situasaun emerjénsia ne’e hahú dadaun ona programa oioin assisténsia umanitária nian, hosi Governu timoroan no apoiu hosi parseiru dezenvolvimentu oioin.

 

Ezekutivu moos importa tan fos subsidiu, ne’ebé distribui ba família sira vulnerável liu, entrega moos musan tonelada  219, pestisida no fertilizante iha zona ne’ebé afetadu liu.

 

Komunidade internasionál mobiliza besik dólar millaun 1,6 ba apoiu umanitáriu nian – kuantia boot hosi Governu australianu, ho apoiu sa’e ba dólar rihun 722.

 

Koordenadór Apoiu ba Emerjénsia Nasoins Unidas ona aprova ona aléin  valór ne’e iha moos subsídiu  dólar rihun 846 ba programa nutrisaun "krítiku".

 

SAPO TL ho Lusa

horadoplaneta às 07:38 | link do post | comentar | Adicionar aos favoritos