Fiar populár aziátiku sira nian ne'ebé tenta kombate poluisaun

 

Nível aas poluisaun nian iha sidade boot sira aziátiku nian la'ós novidade ba ema ida. Maibé, invernu ida ne'e kualidade ár nian aumenta aat nafatin no vaga smog nian aumenta mós, impede populasaun sira labele sai ba estrada ka halo atividade loron-loron nian.

 

Bainhira seidauk iha solusaun definitivu ida ba problema poluisaun nian, sidadaun sira tenta hamenus ninia efeitu sira ba saúde, tenta proteje sira ninia pulmaun hosi poluisaun. Maibé, métodu sira ne'ebé sira uza hodi proteje aan ladún efikás, no bele halo aat liután. Hatene liután kona-bá métodu sira ne'e:

 

Filtru sigaru nian iha inus

 

"Solusaun májiku ida hodi hasoru poluisaun. Kaer iha filtru rua sigaru nian no hatama iha inus", sidadaun ida hatete iha mensajen iha Sina Weibo, rede sosiál ne'ebé hanesan Twitter", refere hosi Quartz.

 

Autoridade sanitáriu sira hatán kedas kona-bá hahalok ne'e, hatete katak filtru sira ne'e bele estraga respirasaun no bele halo mós filamentu ki'ik sira ba pulmaun. Nune'e mós, filtru sigaru sira nian la konsege neutraliza efeitu sira tabaku nian, nune'e labele mós neutraliza efeitu sira poluisaun nian.

 

Bacon tunu

Iha Koreia-Súl, fatin ne'ebé poluisaun hosi Xina to'o liuhosi anin no taka Seul no sidade sira seluk, maibé negósiu bacon tunu ne'ebé koñesidu ho naran  Sam Gyeop Sal aumenta maka'as. Koreanu sira fiar katak hahán ne'e bele halakon toksina ambientál sira.

 

Arte marsiál antipoluisaun

 

Eskola primária ida iha Hebei, lokalidade industriál ida iha sudueste Pekin nian, implementa ona programa ida arte marsiál antipoluisaun ida. Instituisaun ne'e fiar katak arte marsiál sira bele hametin pulmaun labarik sira nian no tulun sira atu bele hasoru ´ ár poluisaun iha Xina.

 

Maibé atividade fízika, maski iha fatin interiór sira, halo aumenta respirasaun nune'e halo ema sira dada iis maka'as nune'e respira mós toksina sira.

 

Sapo TL ho Green Savers PT

horadoplaneta às 14:19 | link do post | comentar | Adicionar aos favoritos