Artista transforma garafa plástiku ba fali estatua animál no ai-horis

Eskultura hosi Veronika Richterová

Veronika Richterová hanesan artista plástika xeka nian ida ne’ebé kria estatua ba ai-horis no animál ho garafa plástiku. Eskultura hirak ne’e ho kor oioin no furak tebes, maski halo de’it ho plástiku ne’ebé ema tokon-ba-tokon lauza ka so’e de’it.

 

Estatua atus ida resin ne’ebé fó vantajen ba garafa plástiku ne’e, artista refere foti iha fatin balun. Kolesaun ne’ebé hanaran PET-ART, engloba tipu hosi fauna no flora oioin, hahú hosi ai-reti to’o ba pinguins.


Iha inisiu, Veronika Richterová laiha hatama serbisu ho tipu ambinetál ba iha ninia ajenda traballu, tuir Inhabitat hakerek. Richterová hahú halo serbisu uza garafa iha 2004 hafoin deskobre katak objetu hirak fasil atu halo buat seluk no bele nabeen bainhira kona loro-matan/manas, maibé iha parte seluk bele sai mos “obsesaun ba tinan barak” hanesan nian dehan. Durante dékada ida, artista ne’e halo ona kolesaun ba garafa plástiku liu 3.000 hosi nasaun 76 hodi kria eskultura hirak ne’ebé furak.

 

Artista xeka ne’e, uza garafa plástiku hodi halo estátua animál no ai-horis ladun barak. Richterová mos iha kolesaun kandelabrus no luminária ne’ebé halo ho plástiku. Nia mos iha livru editadu ida ne’ebé esplika istória, uzu, moda no faktu interesante seluk kona-ba garafa plástiku.

 

SAPO TL ho GreenSavers

 

horadoplaneta às 03:18 | link do post | comentar | Adicionar aos favoritos