Galesnjak, illa ida ho forma fuan nian (ho Foto)

Iha tinan 2009, utilizadór ida Google Earth nian deskobre katak illa Galesnjak, iha Kroásia, iha forma hanesan fuan ida. Deskoberta ne'e haleu kedas mundu tomak no sai hanesan fenómenu ida.

 

 

Situa iha kosta kroata Adriátiku nian - no la'ós abitadu - illa ne'e hahú koñesidu hanesan Illa Domin nian - no maski ladún iha ai-hun sira la halo lakon interese hosi públiku sira ba illa Galesnjak.

 

Interesante tebes tanba bainhira deskobre iha imajen satelit nian ne'ebé atualizadu maka foin hatene katak illa ne'e lakon ai-hun balun. Tuir proprietáriu illa nian, Tonci Juresko, ai-hun sira ne'e tesi ho objetivu ba plantasaun oliveira sira nian iha illa. "Ha'u sei kuda oliveira sira, illa ne'e sei sai furak liután", Juresko esplika ba site Jutarnji List.

 

Sei kuda ai-hun foun sira hamutuk 250 no kais ne'ebé haree hosi Tonci ninia avó-mane iha tinan 80 liubá sei hadi'a fila fali.

Galesnjak ninia na'in admiti mós katak nia rekuza ona, "dala barak", hala'o kazamentu iha illa, tanba laiha kondisaun hodi simu eventu sira: hanesan illa ida ne'ebé nakonu ho fatuk, asesu ne'ebé susar.

 

"Ha'u fiar katak ami sei simu kazamentu ida iha illa. Ami tenta organiza paseiu ida Loron Namoradu sira nian, maibé hala'o de'it dala ida iha tinan ida, ladún iha lukru ida", nia esplika. Ema balun hatete katak ho tesi ai-hun sira ne'e maka bele hetan vizita barak nune'e Tonci sei aposta iha kazamentu no turizmu sira.

 

Illa ne'e hanesan fenómenu insólitu ida natureza nian ho forma fuan iha mundu, no ninia kurioza jeografia foin deskobre iha sékulu XIX hosi kartógrafu Napoleão nian, Charles-François Beautemps-Beaupré.

 

 

Sapo TL ho Green Savers PT

horadoplaneta às 15:04 | link do post | comentar | Adicionar aos favoritos