Shakira fó dolar millaun 15 ba rekonstrusaun Haiti nian

Preokupadu ho situasaun hosi populasaun sira Haiti nian, kantora kolombiana Shakira fó ona osan besik dolar millaun 15 hodi tulun iha parte importante tebes hodi harii fali nasaun ne'e.

 



Liuhosi Fundasaun ALAS, organizasaun ne'ebé serbisu daudaun maka'as tebes hodi harii fali illa, Shakira tenta nune'e tulun Haiti, nasaun ida ne'ebé kiak liu hosi Amérika Latinu no liuliu ida ne'ebé sensível ba dezastre natural sira.

Ne'e la'ós ba dala uluk maka kantora kolombianu ajuda nasaun ne'e. Iha tinan 2000, tanba rai-nakdoko ne'ebé maka'as tebes ne'ebé akontese iha illa, Shakira fó ona dolar millaun 1,5 hodi harii eskola Elie Dubois, iha Porto Prínsipe.

Iha tempu ne'ebá, no hamutuk ho kantór sira seluk, Shakira kontribui ona hodi hetan fundu sira liuhosi knananuk “Somos El Mundo 25 por Haiti” ne'ebé hakerek hosi kantora kubanu Gloria Estefan no nia laen Emilio Estefan, versaun ida ho susesu boot iha tinan 1980 “We Are The World”.

Tuir ONU, liuhosi Kordenasaun ba Asuntu Humanitáriu sira, ema millaun 1,4 resin presiza tulun urjente iha Haiti.

 

Fonte: Green Savers

horadoplaneta às 16:59 | link do post | comentar | Adicionar aos favoritos