Loke ona santuáriu dahuluk ba elefante sira hosi Amérika Latina

Inaugurasaun hosi santuáriu dahuluk ba elefante Guida ho Maia hosi Amérika Latina, ne’ebé maka moris kativeiru durante tinan 40 resin.


 

Okupante foun dahuluk ba santuáriu ne’e maka sei fó esperansa moris ba animál hirak ne’e, hafoin lori sira ilegalmente hosi Tailándia bá iha Brazil, iha semana kotuk no hafoin lori sira rua la’o lemo-lemo durante sirku ne’ebé hala’o iha sidade barak.

 

Ho kapasidade atu simu elefante besik 50, santuáriu foun ne’e hanesan obra Internacional Global Sanctuary for Elephants, organizasaun internasionál la’os-governamentál ida ne’ebé luta hodi fó prezervasaun ba espésie ne’ebé ita ema prejudika sira-ninia moris, durante tempu barak. “Ita ema bá lori sai elefante hosi ai-laran ka sira-ninia fatin hodi bá hatudu espetákulu iha sirku, Ita presija fó dignidade ba sira nomós respeita sira”, tenik prezidente ONG, Scott Blais.

 

Santuáriu ne’e ofisialmente inaugural ona iha Chapada dos Guimarães, Mato Grosso, kuarta-feira liu ba, no sai nu’udar santuáriu ho rai hektare 1100 resin, ekivale ba kampo futeból 1540.

 

Ba oras ne’e, Guida ho Maia maka sai nu’udar abitante ba santuáriu ne’e, maibé iha inisiu 2017 Ramba sei ba tan ho sira na’in rua, elefante ne’ebé hetan salva hosi sirku iha Xili. Maski iha ona santuáriu, maibé ema labele bá to’o iha ne’ebá hodi haree, tanba husik animal sira ne’e sente hakmatek, maibé bele akompaña elefante sira ne’e ninia moris lolroon liu hosi site.

 

Iha de’it Brazil, maka elefante 30 resin hetan ameasaun, tanba sai hanesan dadur ba sirku ka ladun hetan tratamentu di’ak hosi sira-ninia nasaun.

 

Foto: Santuário Elefantes Brazil 

horadoplaneta às 02:35 | link do post | comentar | Adicionar aos favoritos