Panda ne'ebé ferik liu iha mundu ne'ebé hela iha kativeiru mate ona iha Hong Kong

Panda ne'ebé hela iha kativeiru ne'ebé hanesan ida ne'ebé ferik liu iha mundu mate ona iha loron-domingu kalan iha parke ida atrasaun nian iha Hong Kong, ho tinan 38 ne'ebé ekivale tinan 114 hosi ema moris ida nian. 

 

Fotografia hosi panda Jia Jia ne'ebé hasai iha loron 06 Setembru 2013 iha nia loron aniversáriu. Foto@ Tom White / EPA

 

Panda inan Jia Jia sujeita ba eutanázia, hafoin nia estadu saúde sai aat liu iha semana hirak ikus ne'e, esplika ona hosi responsável sira iha Ocean Park, liuhosi komunikadu ida.

 

"Iha loron hirak ikus ne'e nia ladún hadeer no la hatudu interese ba hahán no ba bee", haktuir hosi komunikadu hanesan ne'ebé fó sai katak iha loron-domingu dadeer panda ne'e la konsege la'o ona no toba loron tomak.

 

Jia Jia, ne'ebé nia naran signifika "di'ak", hanesan prezente ida hosi Governu xinés ba rejiaun administrativu espesial HongKong, iha 1999, iha aniversáriu daruak hosi entrega eis-kolónia britániku ne'e ba Xina.

 

Tinan naruk hosi animal ne'e hanesan kazu úniku iha nia espésie, tanba esperansa hodi moris hosi panda sira ne'e maka ki'ik liu tinan 20, tinan ne'ebé baibain sira hetan bainhira hela iha kativeiru.

 

Destruisaun hosi habitat natural sira ne'ebé hanesan panda nia moris fatin halo sira sai oituan ba de'it panda hamutuk rihun rua.

 

Tanba taxa natalidade ne'ebé ki'ik, programa sira reprodusaun nian iha kativeiru sai hanesan importante hodi hametin sobrevivénsia hosi espésie ne'e.

 

Durante tempu ne'ebé nia moris iha Hong Kong, Jia Jia hahoris panda neen iha partu lima.

 

ho Lusa

horadoplaneta às 15:09 | link do post | comentar | Adicionar aos favoritos