Konsentrasaun hosi dióksidu karbonu (CO2) iha atmosfera to'o rekord foun - ONU

Konsentrasaun hosi dióksidu karbonu (CO2) iha atmosfera to'o ona rekord ba parte 400 parte tuir millaun ida (ppm) iha tinan 2015, marka istóriku ida ba saúde planeta nian, alerta hosi ONU iha loron-segunda ne'e. 

 

Foto@ Bernd Settnik / EPA

 

Gás sira ho efeitu estufa ultrapasa ona limiti hosi 400 ppm iha fulan balun nia laran, iha fatin espesífiku sira, maibé nunka iha baze anual global, hatete hosi Organizasaun Meteorolójiku Mundial (OMM), ajénsia hosi ONU nian.

 

Iha boletin ikus kona-ba gás sira ho efeitu estufa, OMM rejista mós "aumentu ida ba rekord foun sira" iha tinan ne'e hosi taxa sira konsentrasaun CO2 nian, kalkula katak ba média anual sei mantén aas hosi 400 ppm "ba jerasaun barak nia laran".

 

Aumentu hosi konsentrasaun CO2 nian akontese balun tanba "El Niño" maka'as, fenómenu meteorolójiku ne'ebé rejista iha tinan haat ka tinan lima nia laran ho efeitu manas ida ne'ebé jeneralizadu.

 

"El Niño" hamosu ona "rai-maran iha rejiaun tropikal sira no hamenus kapasidade hosi aborsaun hosi CO2 iha ai-laran sira, vejetasaun no iha oseanu sira", haktuir hosi OMM. Petteri Taalas, responsável hosi ajénsia, ho sede iha Jenebra, hatete ona katak maski fenómenu hahú diminui maibé "alterasaun klimátiku sira la'e".

 

Taalas felisita ona akordu ne'ebé hetan iha Kigali iha inísiu fulan ne'e nian, ne'ebé hanoin ba eliminasaun tuir faze hosi hidrofluorokarbonetu sira (HFC), kategoria ida hosi gás sira ne'ebé iha efeitu estufa aas tebes, uza liuliu iha jeleira sira no aparellu sira ár kondisionadu sira.

Responsável hosi OMM hatete ona katak lahó asaun ida hanesan hodi halakon emisaun sira hosi CO2 nian, mundu sei falla nafatin ba objetivu sira ne'ebé defini iha akordu istóriku hosi Paris kona-ba diminuisaun hosi emisaun gás sira ne'ebé iha efeitu estufa.

Boletin anual hosi OMM kona-ba gás sira ho efeitu estufa analiza konsentrasaun hosi gás sira iha atmosfera no la'ós emisaun sira.

Aleinde CO2, relatóriu ne'e haree taxa sira konsentrasaun metanu nian, óksidu nitrozu nian no gás sira seluk ho impaktu maka'as iha alterasaun klimátiku sira.

ho Lusa

horadoplaneta às 23:02 | link do post | comentar | Adicionar aos favoritos