Uma hosi au ne’ebé namlele: hanesan kilat forte hodi satan inundasaun

Uma ne’ebé halo hosi au iha  Vietname

Inundasaun ka bee-sa’e hanesan dezastre naturais ne’ebé sempre akontese iha mundu. Tuir ONU, populasaun ne’ebé barak – tanba halo ema barak maka hela metin iha fatin ida de’it - no agravamentu hosi alterasaun klimátika maka sai nu’udar fatór importante, hodi kria inundasaun no tahu maka’as.

 

Ema besik milloens 150, liu-liu sira ne’ebé hela iha rejiaun ki’ak liu hosi mundu ne’e, maka kada tinan, sempre afeta ho fenómenu ne’e. Atu minimize estragu hosi inundasaun, maka atelié arkitetu vietnamita ida - H&P Architects – fó solusaun ekolójika liu ba problema refere: uma halo hosi au, ho folin kiik no ladun hetan impaktu ambientál maka’as, tanba bele namlele iha bee-leten no fó seguransa ba família bainhira bee-sa’e.

 

Hanaran Blooming Bamboo Homes, uma hirak ne’ebé ho estrutura kman no modular, no halo harii de’it iha loron 25 nia laran. Maski halo ho lalais, maibé iha mos presu. Kada Blooming Houses ho folin besik €1.500 (R$4.800). Tuir arkitetu sira, uma ne’ebé halo ho au, bele namlele iha bee-leten to’o metro 1,5. Maski nune’e sira harii ona, ho modelu ne’ebé bele aguenta ho inundasaun to’o metro altura tolu.  

 

SAPO TL ho Green Savers

 

horadoplaneta às 07:48 | link do post | comentar | Adicionar aos favoritos