Tinan lima ikus ne'e hanesan tinan ne'ebé manas liu

Efeitu sira hosi alterasaun klimátiku mosu beibeik iha tinan hirak ikus ne'e, ho períudu 2011-2015 nune'e sai hanesan tinan lima ikus ne'ebé maka manas liu dezde hahú rejistu, haktuir hosi relatóriu ida ONU nian ne'ebé fó sai iha loron-tersa iha Maroko. 

 

 

Alterasaun klimátiku sira halo beibeik ema mate tanba rai-manas, aumenta furakaun, inundasaun sira no rai-maran, ne'ebé mosu maka'as iha tinan hirak ikus ne'e. Tuir informasaun ne'ebé fó sai hosi Organizasaun Meteorolójiku Mundial (OMM), bainhira hakotu negosiasaun sira ONU nian kona-ba klima, ne'ebé hala'o iha Marrakech, sinal ekolójiku hosi ema moris nian bele hetan iha fenómenu klimátiku sira.

 

Dékada 50 ikus ne'e hanesan períudu hosi tinan lima ne'ebé manas liu dezde halo rejistu, ho 2014 no 2015 hanesan tinan sira ne'ebé manas liu. Tuir OMM, organizasaun hosi universu ONU nian, 2016 karik bele halakon tinan 2014 no 2015.

 

Mudansa klimátiku "aumentu maka'as risku sira hosi eventu todan sira, hanesan mós rai-manas, rai-maran, udan no inundasaun sira ne'ebé estraga", hatete hosi sekretáriu-jeral OMM, Petteri Taalas, ne'ebé haktuir hosi ajénsia France Presse no AP.

 

Ema rihun 300 resin mate ona iha dezastre sira ne'ebé mosu tanba fenómenu klimátiku sira durante períudu 2011-2015.

 

Excesso mortalidade barak - ne'ebé atribuidu tanba impaktu adisional hosi mudansa klimátiku - akontese durante 2010-2012, iha rai-maran ne'ebé akontese iha Áfrika Osidental. Furakaun Haiyan iha Filipina, iha 2013, no rai-manas maka'as iha Índia no Pakistaun iha 2015 hanesan fenómenu sira seluk ne'ebé kontribui maka'as hodi hamate ema barak.

 

Tuir relatóriu ne'ebé fó sai iha Marrakech, kobertura jelu iha Ártiku, iha veraun, hanesan 28% ki'ik liu duké sukat iha tinan 1981-2010, to'o nível ne'ebé ki'ik liu iha 2012. Jelu iha tasin Antártiku aumenta liu média liuliu iha invernu.

 

Superfísie jelu ne'ebé nabeen iha Gronelándia - ne'ebé kontribui ba aumentu nível tasi nian -, iha períudu 2011 to'o 2015, kontinua mós iha valor ne'ebé aas hosi média, rejista iha tinan lima nia laran, hosi 1981 to'o 2010.

 

ho Lusa

horadoplaneta às 17:20 | link do post | comentar | Adicionar aos favoritos