Hetan ona espésie foun 163 iha rejiaun Mekong -- WWF

Samea ho kór arku-íris nian ida iha ninia ulun ka teki ida ho dikur hanesan dragaun, maka hanesan espésie rua hosi espésie 163 ne’ebé hetan ona iha 2015, iha rejiaun Mekong, tuir informasaun ne’ebé fó sai horisehik hosi Fundu Mundiál ba Natureza.

Foto: Nguyen Truong Son / Reuters

 

Espésie foun ne’ebé foin fó sai hosi matenek na’in hirak ne’e, inklui mos anfíbiu sia, ikan 11, répril 14, aihoris 126 no mamíferu tolu ne’ebé hetan iha zona remota, hosi rejiaun ne’ebé habelar hosi Xina, Birmánia, Laos, Yailándia, Kamboja no Vietname, tuir Fundu Mundiál ba Natureza (WWF, sigla iha inglés) fó sai.

 

Deskoberta ne’ebé fó sai iha relatóriu foun ne’e mos, inklui ho plátanu hosi aifunan kor-mean ne’ebé hetan iha parte norte Tailándia, manduku inan ho kor-laranja iha Kamboja ka Vietname ka teki ho kulit azul ida iha Laos.

 

Grande Mekong, ne’ebé la’o tuir mota ho naran hanesan hodi planaltu tibetanu liu hosi sudeste Ázia, hanesan rejiaun ho biodiversidade bot iha mundu, maibé mos fó ameasa barak ba projetu dezenvolvimentu oioin ka kasa furtiva.

 

Iha komunikadu, WWF halo alerta katak zona refere “molok ne’e ladauk hetan presaun dezenvolvimentu ruma”, hodi fó ameasa ba sobrevivénsia hosi espasu naturál ne’ebé únika.

 

SAPO TL ho Lusa

tags:
horadoplaneta às 02:02 | link do post | comentar | Adicionar aos favoritos