Aumenta hosi nível tasi nian bele lalais liu duké previstu - Relatóriu

Aumentu hosi nível tasi nian to'o sékulu ne'e nia rohan bele lalais duké previstu, hatete hosi ajénsia Oseániku norte-amerikanu nian, hodi alerta ba aumenta risku hosi inundasaun maka'as sira bainhira akontese senáriu extremu ida. 

 

 

Haree ba estudu no observasaun oioin ne'ebé halo ikus ne'e, liuliu kona-ba jelu hosi Antártida no nia instabilidade, Administrasaun Nasional Oseániku no Atmosfériku (NOAA) konsidera to'o tinan 2100 aumentu "razoável" ida hosi nível sira bee nian" hosi metru rua to'o metru 2,7.

Autor sira hosi relatóriu NOAA nian rekomenda "hodi haree fali senáriu hosi aumentu ba nível médiu tasi nian ba metru 2,5 to'o tinan 2100" ne'ebé previstu iha relatóriu publikadu iha 2014.

Robert Kopp, profesor iha Universidade Rutgers, hatete iha deklarasaun sira ba ajénsia France Presse katak aumentu ho kuantidade ne'e bele akontese ho "senáriu aat liu iha parte hosi emisaun gás sira ho efeitu estufa nian". Ka, ho lian seluk, bainhira la halo buat ruma hodi hamenus, ne'ebé bele hamosu aumentu ba temperatura sira entre grau tolu to'o grau lima Celsius hanesan ho tempu pré-industrial.

Espesialista sira mós kalkula maka'as ba estimativu hosi aumentu mínimu nível tasi nian, hosi metru 0,1 to'o 0,3 to'o sékulu ne'e nia rohan, hafoin analiza tiha informasaun kona-ba amplitude hosi tasi no variasaun sira iha altura relasionadu ho nível médiu hosi tasi-been sira ne'ebé sukat hosi satelit durante tinan 25 nia laran.

Relatóriu hakarak liuliu determina risku posível sira hosi inundasaun hosi zona tasi-ibun norte-amerikanu sira no tulun autoridade sira hodi bele prepara aan.

ho Lusa

horadoplaneta às 16:40 | link do post | comentar | Adicionar aos favoritos