Sapo hadeer sedu liu no sai konjeladu iha Noruega (ho Foto)

Ita bele haree daudaun alterasaun klimátiku sira iha fatin oioin iha planeta, hanesan sasin ida iha diferensa istóriku ba temperatura aas iha hemisfériu súl - no temperatura ki'ik iha hemisfériu norte.



Laiha nasaun ida hanesan Noruega bele eskapa ba fenómenu ne'e. Prova ida ba akontesimentu ne'e maka foto balun Svein Nordrum, ho tinan 54, nian ne'ebé sai koñesidu tanba hatudu manduku ida ne'ebé sai konjeladu iha lagu Bindingsvann, iha Oslo.




Tuir Nordrum, manduku ne'e "hadeer" tanba temperatura ne'ebé anormál no karik manduku hanoin katak tama ona Primavera, nune'e nia sai hosi hibernasaun hodi namora. Maibé, bainhira temperatura hahú tun no lagu ne'e hahú konjela, manduku ne'e labele fila fali ba ninia fatin.
"Ha'u halo patinajen durante oras balun no ha'u haree buat ida iha jelu ninia leten. Bainhira haree katak manduku konjeladu ida, ha'u hakfodak tebes. Ha'u nunka haree buat ida hanesan ne'e", fotógrafu ne'e esplika. "Triste tebes hanoin katak manduku ne'e tenta buka kuak ruma iha jelu no nanin hodi bele fila antes lagu ne'e hahú sai jelu", nia hatutan.

 

 

Tuir Silviu Perovan, koordenadór ONG ida ne'ebé iha ligasaun ba konservasaun Froglife, manduku ne'e karik tama iha tempu namora nian. "Ho razaun ruma maka manduku ne'e iha atividade durante hibernasaun - karik tanba aumentu temperatura ida ne'ebé de repente", nia hatete.

Sapo TL ho Green Savers PT

horadoplaneta às 12:33 | link do post | comentar | Adicionar aos favoritos