Indonézia salva lenuk "focinho de porco" hamutuk 8.000

Autoridade sira Indonézia nian fó sai ohin katak salva ona lenuk ne'ebé koñesidu ho naran "focinho de porco" hamutuk 8.000 ne'ebé subar iha mala sira ne'ebé karik atu haruka ba Xina no Singapura.

 

 

Deskobre lenuk hosi espésie ida ne'e hamutuk 3.000 iha mala haat iha aeroportu Jakarta nian hafoin to'o hosi semo ida hosi Papua, afirma hosi Zaenal Abidi, funsionáriu área kuarantena nian. Animál 14 maka mate.

 

Autoridade sira aeroporto Jakarta nian hetan alerta hahú iha loron-kinta hafoin hetan lenuk "focinho de porco" hamutuk 5.400 iha mala hitu iha Papua.

Lenuk sira hosi espésie ne'e tama iha tráfiku liuhosi Jakarta hafoin ne'e liu ba destinu sira hanesan Xina no Singapura.

 

Lenuk "focinho de porco" sira bele hetan de'it iha Austrália no Nova Guiné, illa ida ne'ebé situa entre Papua Nova Guiné no Indonézia no proteje hosi lei konservasaun natureza nian.

 

Sapo TL ho Lusa

horadoplaneta às 13:40 | link do post | comentar | Adicionar aos favoritos