Leilaun "online" hosi rinoseronte nia dikur hosi Áfrika-Súl hamosu polémika

Kriador ida hosi rinoseronte iha Áfrika-Súl halo hela planu ba leilaun "online" ida ba rinoseronte nia dikur sira iha fulan-Agostu, haktuir hosi 'website' ida, hamosu preokupasaun sira ne'ebé iha relasaun ho kasa ilegal. 

 

 

Tuir fonte hanesan, rinoseronte nia dikur sira ne'ebé fa'an online, ne'ebé pertense ba kriador John Hume, sei akontese iha fulan-Agostu nia rohan no osan ne'ebé hetan sei uza hodi "finansia nafatin kriasaun no protesaun hosi rinoseronte sira".

 

Kriador hosi rinoseronte sira fiar katak kasa ilegal sei hotu ho komérsiu regulamentar hosi rinoseronte nia dikur sira, bainhira krítiku sira hatete katak troka ne'e sei aumenta kasa ilegal sira, situasaun ne'ebé sai aat nafatin.

 

Proibisaun ba fa'an doméstiku kria ona iha tinan 2009 iha Áfrika-Súl, maibé tinan ne'e tribunal konstitusional súl-afrikanu rejeita manutensaun ba medida ne'e bainhira nega rekursu ne'ebé governu hato'o.

 

Maioria hosi rinoseronte sira iha mundu moris iha Áfrika-Súl.

 

ho Lusa

horadoplaneta às 14:57 | link do post | comentar | Adicionar aos favoritos