Isaac Cordal: artista plástiku ne'ebé obsekadu ho alterasaun klimátiku sira (ho Foto)

Alterasaun klimátiku sira no kapitalizmu ninia hahalok aat sira dalabarak konsideradu hanesan ameasa rua boot liu iha mundu modernu. Maibé ema barak seidauk haree di'ak ameasa sira ne'e.

 

 

Atu esplika di'ak liu problema sira ne'e ba populasaun, Isaac Cordal oferese hanoin foun ida kona-bá kestaun sira ne'e liuhosi ninia série provokativu sira iha eskultura ki'ik sira ne'ebé dezafia sosiedade.

 

Organizadu di'ak tebes, lahó nesesidade espozisaun nian, eskultura ki'ik sira ne'e organizadu iha série oioin no halo parte hanesan arte iha dalan nian. Série ida maka "“Waiting for Climate Change” ("Hein alterasaun klimátiku sira") ne'ebé artista ne'e halo instalasaun oioin no balun iha bee laran hodi bolu atensaun ba nível tasi-been ne'ebé aas. Eskultura ki'ik sira relata senáriu apokalíptiku sira iha konsekuénsia hosi falta asaun no indiferensa relasionadu ho kestaun ambientál sira. Senáriu sira ne'e hanesan mós metáfora hodi halo sosiedade mout, refere hosi Inhabitat.

 

Hodi retrata septisizmu kona-bá autoridade, Cordaal baibain halo ninia figura ki'ik sira ho forma polítiku no emprezáriu sira iha situasaun ladún di'ak ne'ebé sira rasik halo. Iha "Follow the Leaders” ("La'o tuir líder sira"), série seluk ida, artista ne'e fó atensaun ba públiku kona-bá perigu sira bainhira tuir riku no perigozu sira ninia hakarak.

 

Hanesan ho klon ki'ik-oan sira, figura sira ne'e hanesan ho ema negósiu no polítiku sira nian. Instalasaun ne'e hanesan referénsia ba kolapsu kapitalizmu nian, retrata saida maka bele akontese ba prédiu aas sira ka ba ema sira ho pasta no gravata bainhira sistema finanseiru lakon.

 

Sapo TL ho Green Savers PT

horadoplaneta às 15:26 | link do post | comentar | Adicionar aos favoritos