Japaun aseita desizaun hosi Tribunál Internasionál ne'ebé bandu kasa ba baleia iha Antártiku

Iha loron-segunda ne'e Japaun hatete ona katak, maski "ho deziluzaun maka'as", sei respeita desizaun hosi Tribunál Internasionál Justisa nian ne'ebé bandu ba ró japunés sira hodi halo kasa ba baleia iha Antártiku.

 

 

EPA@ Jeremy Sutton - Hibert

 


"Japaun sei respeita desizaun hosi tribunál hanesan nasaun ne'ebé respeita Estadu direitu nian no hanesan membru responsável komunidade internasionál nian", hatete hosi Koji Tsuruoka, responsável japunés, ba jornalista sira ne'ebé marka prezensa iha sala audiénsia nian iha Haia, Holanda, no akompaña deliberasaun hosi juís Tribunál Internasionál nian.

 

Nune'e tribunál fó razaun ba Austrália ne'ebé akuza ona Japaun hodi halo prátika komersiál ba kasa baleia nian uza razaun ba programa investigasaun sientífiku ida nian.

 

Konsidera katak Tókio la respeita moratóriu tinan 1986 nian ne'ebé bandu kasa ba baleia la'ós hodi uza iha siénsia, Canberra husu ona ba tribunál atu hapara programa Jarpa II (investigasaun) nian.

 

Tuir Austrália, entre tinan 1987 to'o tinan 2009 Japaun kasa ona baleia hamutuk 10.000 no bainhira hahú prosesu ne'e nasaun rua ne'e kompromete ona atu respeita desizaun judisiál nian.

 

Sapo TL/SIC/Lusa

horadoplaneta às 16:30 | link do post | comentar | Adicionar aos favoritos