Hatene tansá maka NASA husu ita atu hasai selfie ida

Ajénsia espasiál norte-amerikanu konvida ita atu selebra Loron Rai nian ho dalan orijinál ida.

 

 

Dezafiu ne'e lansa hosi NASA no hodi hanesan selebrasaun mundiál ida iha Loron Rai nian: hasai selfie ida iha loron 22 fulan-Abril iha fatin ne'ebé iota hela, ho identifikasaun loloos. Objetivu hosi ideia ne'e maka halo imajen oinseluk ida planeta nian bainhira halibur kolesaun ida fotografia sira ne'ebé populasaun sira hasai iha mundu tomak.

Atu partisipa, tenki hasai de'it selfie ida ne'ebé hatudu saida maka haleu ita no identifika fatin, liuhosi liafuan sira ne'ebé hakerek iha rai-henek ka iha fatuk sira, hosi sinál iha estrada ne'ebé lokaliza fatin ka uza imajen ne'ebé sujere hosi ajénsia norte-amerikanu rasik, ne'ebé hakerek: "Olá Nasa! Fatin ne'ebé ha'u hela iha Rai agora daudaun maka (hakerek lokalizasaun fatin nian)". Imajen ne'e disponível hodi halo download iha site NASA nian.

Hafoin ne'e tenki fahe de'it iha ita ninia rede sosiál sira, iha Twitter, Instagram, Facebook, Google+ ka Flickr, ho A hashtag #globalselfie.

Hafoin ne'e NASA sei halo imajen boot ida ne'ebé sei divulga iha fulan-Maiu no sei sai hanesan mozaiku ida hosi ita ninia planeta.

Sapo TL ho Visão

horadoplaneta às 16:21 | link do post | comentar | Adicionar aos favoritos