Leonardo DiCaprio fó euro rihun 728 hodi prezerva elefante afrikanu sira

Leonardo DiCaprio halo fali doasaun maka'as ida ba protesaun espésie ameasadu sira nian. Agora, atór ne'e fó ona euro rihun 728  hodi tulun konservasaun elefante afrikanu sira nian no kombate hasoru kasa ilegál espésie ne'e nian.

 

 

Donativu ne'e halo liuhosi ninia fundasaun durante eventu ida ne'ebé fó omenajen ba fundadór no prezidente-ezekutivu Save the Elephants nian, Iain Douglas-Hamilton, iha findesemana ikus ne'e. Aleinde DiCaprio Fundation, filantropu seluk mós hamutuk ba kauza ne'e. Osan ne'ebé hetan sei fó ba Elephant Crisis Fund, inisiativa ida hamutuk ho Save the Elephants ho Wildlife Conservation Network, no sei uza hodi hapara kasa ilegál no komérsiu marfin nian.

"Liu elefante afrikanu 30.000 maka mate iha tinan ikus ne'e tanba marfin. Espésie magnífiku ne'e hasoru futuru ida ne'ebé laloos bainhira ita la hahú halo buat ruma. Elephant Crisis Fund kaer knaar importante hodi buka rezolve problema todan ne'e, liuhosi apoiu ba projetu sira ne'ebé proteje elefante sira hosi kasadór sira, hapara komérsiu marfin nian", atór ne'e hatete durante eventu no sita hosi Dodo.

Elephant Crisis Fund ninia objetivu dahuluk maka hetan osan millaun €3,64 iha tinan tolu dahuluk funsionamentu nian no dalan ne'e kumpri ho susesu. Iha eventu findesemana ne'e hetan ona osan millaun €1,5 resin ne'ebé sei fó diretu ba programa sira konservasaun nian.

Sapo TL ho Green Savers PT

horadoplaneta às 15:25 | link do post | comentar | Adicionar aos favoritos