Xina harii tribunál ambientál dahuluk

Tribunál dahuluk iha Xina espesializadu iha kestaun ambientál sira nian loke ona ohin iha provínsia Fujian, iha kosta leste nasaun nian, fó sai hosi ajénsia notísia ofisiál xinés nian, Xinhua.

 

EPA@ Diego Azubel/Lusa

 

Hanesan tribunál filiadu ida iha Tribunál Superiór provínsia nian, ho misaun "atu hametin protesaun judisiál ambiente nian" no rekruta ona konsultór hamutuk na'in 12 hanesan matenek-na'in iha asuntu ekolójiku, agríkola, marítimu no jeolójiku sira nian, hatete hosi fonte hanesan.

Poluisaun, inklui Pekin no sidade boot sira seluk, iha tinan ikus ne'e sai hanesan fonte prinsipál hosi insatisfasaun populasaun nian iha Xina.

Iha sesaun plenáriu ikus Asembleia Nasionál Populár (parlamentu) nian, iha fulan-Marsu liubá, primeiru-ministru Li Keqiang deklara ona "funu hasoru poluisaun" no alerta ona katak "natureza lansa ona alerta mean ida hasoru modelu inefisiente no dezenvolvimentu delek".

"Ami sei deklara funu hasoru poluisaun no ami sei  kombate nian ho determinasaun hanesan ho luta hasoru pobreza", hatete hosi Li Keqiang.

Sapo TL ho Lusa

horadoplaneta às 12:23 | link do post | comentar | Adicionar aos favoritos