Poupa enerjia ba Mundu Di'ak ida!

Ohin, loron 29 fulan-Maiu, selebra loron internasionál enerjia nian iha nasaun balun iha mundu.

Iha loron ne'e, sei hala'o atividade sensibilizasaun oioin ba konsumidór sira kona-bá importánsia poupa enerjia, aleinde fó alerta kona-bá impaktu ambiente sira nian no importánsia atu prezerva rekursu naturál sira.

SAPO TL fó sujestaun balun ba ita-boot hodi poupa iha enerjia:

- Evita liga ahi-oan ka ekipamentu bainhira la uza.

- Taka torneira bee nian bainhira kose nehan, fase liman ka koi hasan-rahun. Hanesan ezemplu, torneira tradisionál ida hasai bee besik litru sia iha minutu ida: bainhira uza minutu ida hosi kose nehan, loron ida dala tolu ho bee ligadu, gasta bee litru 27 - iha fulan ida gasta bee liu litru 800. Ne'e hanesan dalan simples ida atu hahú hodi poupa bee, enerjia no osan.

- Haree taka di'ak torneira sira atu nune'e labele sulin hodi bele gasta bee.

- Troka lámpada insandesente sira ho lámpada ekonómiku sira. Iha lakan hanesan maibé poupa enerjia eletríku 80% no dura kleur liu.

- Aproveira lakan naturál loron nian, bainhira presiza bele utiliza ahi artifisiál.

- Desliga ekipamentu sira iha botaun no labele desliga de'it iha komando. Aparellu sira iha stand-by kontinua estraga enerjia. Ezemplu: televizaun sira.

- Evita atu loke jeleira bainhira la presiza no karik presiza, tenki taka lalais.

- Uza mákina fase ropa nian, karik bele, ho karga kompletu no iha programa ida ho temperatura ki'ik.

- Hasai antes hahán sira hosi konjeladór hodi nune'e bele iha tempu atu nabeen no lalika presiza mikroondas;

- Hamenus fogaun ninia lakan bainhira hahán hahú nakali, hodi nune'e ladún han gás no mantén temperatura tein nian; desliga fogaun antes hakotu atividade tein nian tanba manas ne'ebé senti iha taxu to'o hodi tein di'ak hahán sira;

- Hodi ekonomiza enerjia hosi forma akesimentu nian, taka di'ak habitasaun, hanesan ezemplu, uma ninia kakuluk, janela sira, odamatan no parede sira.

- Bainhira estrika ropa labele husik estrika ligadu durante minutu balun - estrika ida gasta hanenan ahi-oan sanulu ho watt 100, tanba ne'e, keta estraga enerjia no osan ne'e!

- Labele enxe nakonu bee iha sanan bainhira tein, tanba hanaruk tempu atu nakali no gasta enerjia.

- Hafoin karega aparellu sira hanesan telemóvel, MP3 ka mákina fotográfiku sira tenki hasai karegadór hosi tomada, se la'e  kontinua gasta enerjia;

- Edifísiu sira Estadu nian: Sertifikasaun Enerjétiku iha edifísiu sira estadu nian; Solár térmiku;

- Iluminasaun públiku efisiente: Instalasaun reguladór sira fluksu nian hanesan garante efisiénsia enerjétiku iha iluminasaun públiku nian; Kumprimentu ba rekizitu mínimu sira efisiénsia enerjétiku nian ba instalasaun foun sira;

- Importante tebes fó hanesan benefísiu sira ne'ebe fonte renovável iha ba ambiente no mós ba sosiedade. Ninia utilizasaun implika diminuisaun nivel poluisaun sira nian no kresimentu ida bazeadu iha dezenvolvimentu sustentável.

SAPO TL ho Ambiencia.org

horadoplaneta às 01:17 | link do post | comentar | Adicionar aos favoritos