Tinan-tinan Antártida lakon daudaun tonelada jelu hamutuk millaun rihun 160

Avaliasaun foun ida ba kontinente jeladu ne'ebé halo hosi Cryosat (veíkulu espasiál europeu) hatudu katak Antártida lakon daudaun tonelada jelu hamutuk millaun rihun 160 tinan-tinan ba oseanu, ne'ebé hatudu dobru ba valór ne'ebé hetan iha avaliasaun uluk.

 


Foto@ Simon Harsent/Green Savers PT

 

Cryosat ekipadu ho instrumentu sira radár nian, iha espesialidade hodi bele sukat forma manta jelu nian. Rezultadu jelu nabeen ne'ebé hetan hosi avaliasaun foun ne'e hanesan sufisiente hodi aumenta nível médiu tasi nian ba milímetru 0.13 tinan-tinan. Estudu ne'e inkorpora medisaun sira ne'ebé halo entre tinan 2010 no 2013 no atualiza síntese ida ba observasaun sira ne'ebé halo hosi satelit sira seluk entre tinan 2005 no 2010.

Aparellu haleu ninia altímetru hodi identifika alterasaun sira iha tempu mantu jelu nian - tanba hetan masa durante invernu no lakon masa durante fulan sira ne'ebé manas. Autór sira estudu nian fahe kontinente ne'e ba área tolu: Antártida Osidentál, Antártida Orientál ho Península Antártida, ne'ebé koresponde ba pedasu ki'ik ida rai nian ne'ebé naruk to'o diresaun Amérika-Súl nian.

Estudu ne'e konklui katak rejiaun tolu kontinente nian lakon daudaun jelu, média anuál ida ba sentímetru rua. Jelu ida nabeen ekivale ba tonelada millaun rihun 134, millaun rihun tolu no tonelada millaun rihun 23 tinan-tinan, haktuir hosi BBC.

Agora daudaun, estudu foun rua - hosi NASA no Universidade Washington nian - konfirma ona katak kolapsu mantu jelu nian iha Antártida Osidentál nian hahú ona no sei la para.

Sapo TL ho Green Savers PT

 

horadoplaneta às 15:06 | link do post | comentar | Adicionar aos favoritos