Ohin Loron Mundiál Meiu Ambiente nian

Ohin, loron 5 Juñu, nu’udar Loron Mundiál Meiu Ambiente. Loron ida tinan tinan selebra hodi marka asaun pozitivu atu halo protesaun no prezervasaun ambiente nian no mós fó ba ema no governu sira presiza salva ambiente.

 

Iha Timor-Leste asaun sensibilizasaun barak maka hala’o ona ho objetivu atu hanorin no hatudu oinsá fó importánsia ba meiu ambiente no oinsá prezerva ambiente atu hetan moris di’ak no saudável liu.

 

SAPO TL, selebra Loron Mundiál Meiu Ambiente, rezolve destaka kampaña balun ne’ebé lansa ona iha tinan 2014, tantu husi profesór sira, organizasaun no to’o ba governu rasik, iha Timor-Leste, hodi buka atu sensibiliza ema, hatudu katak sira maka responsável ba planeta no Rai ida ne’e atu sira bele sai hanesan ema ne’ebé halo mudansa. Nune’e mós atu buka oinsá prezerva ká kuidadu ambiente ne’ebé pertense mós ba ita.

 

Iha inísiu tinan ne’e hala’o ona simpóziu ida ho objetivu atu promove diskusaun entre grupu  traballu, koan-ba problema ambientál sira iha Timor-Leste, foka ba papel edukasaun no profisionál nian husi área ida ne’e atu halo konsientizasaun povu timoroan nian atu hanoin kona- importánsia iha meiu ambiente.

 

 

Iha fulan-Fevereiru, Ministru Komérsiu, Industria no Ambiente, António da Conceição, no Prezidente empreza Shun Hsin Investiment & Construction Lda de Taiwan, Lin Gi Hsiung, asina Memorandu Entendimentu ne’ebé hodi hala’ao estudu viabilidade kona-ba tratamentu foer iha país.

 

Ida ne’e nu’udar projetu bot ida ho orsamentu ne’ebé tau ona ba dolar millaun ida no rihun atus ida lima nulu, ne’ebé finansiamentu ida la mai husi parte Governu nian.

 

Montante ne’ebé finansia liuhosi Build-Operate-Transfer (oinsá atu finansia projetu sira ne’ebé setór privadu iha permisaun husi setór públiku ba hodi finansia, harii no opera durante períodu tempu ne’ebé kontrolu maka transfere ba administrasaun públika), ho ninia durasaun tinan 30. Loron-Sesta semana-semana, populasaun no funsionáriu públiku, kontribui hodi halo limpeza jerál iha sidade Díli.

 

Kampaña ida ne’e promove husi Ministériu Estatál, ho objetivu atu fó apoiu ekolójiku ida iha sidade, hafurak no fó moris ne’ebé saudável ba ema hothotu, sensibiliza mós sira.

 

Iha fulan-Maiu liuba, grupu joven universitáriu sira lansa kampaña liuhosi facebook no konsege halo oinsá eskola sekundária 4 maka partisipa, iha asaun limpeza nian iha sentru Díli. Objetivu maka atu sensibiliza joven sira kona-ba kestaun ambientál no hanorrin sira liuhosi programa ne’e.

 

Hotel Timor no Timor Telecom iha loron mundiál labarik nian, 1 Juñu, aproveita loron refere hodi halibur malu ho  grupu labarik nian, ne’ebé hodi halo asaun ne’ebé hotel lansa ona, sira la’o husi Hotel Timor to’o tasi-ibun Areia Branca ká (Rai-henek mutin) iha momentu ne’eba hodi fó edukasaun ambientál ho haksolok, hodi garante future ida ne’ebé responsável liu.

 

 

Sede Loron Mundiál Ambiente 2014


Sede ká Fatin Loron Mundiál Ambiente sei halo iha Barbados, rai oan ida ne’ebé ho ema rihun 280.

 

Iha rai-ki’k ida ne’e maka eskolla husi Programa Nasoens Unidas ba Meiu Ambiente (PNUMA) ho medida atu haksumik hodi kombate akesimentu global ká rai-manas.

 

Selebrasaun husi data ne’e mós sei hala’o  durante loron lima, ho tema "Aumente ba ita nia lian, la’o hanesan ho nível tasin nian".

Rai-ki’ik oan ida ho fatin luan hodi reduz husi karbonu no fornese enerjia ne’ebé moos no renovável, nune’e mós hanesan oportunidade hodi hasa’e ekonómiku ne’ebé buras ba ninia populasaun.

 

Debate sira kona-ba teknolojia husi adaptasaun, negósiu sustentável, jestaun rekursu no área protejida no kulturá lokál sei sai hanesan selebrasaun prinsipál.

 

Bele haree ami nia blog Hora do Planeta, ne’ebé ami fó dika oioin kona-ba kestaun ambientál, nune’e ami akompaña oinsá mundu nia lalaok  hodi halo prezervasaun meiu ambiente nian.

 

 SAPO TL

horadoplaneta às 07:41 | link do post | comentar | Adicionar aos favoritos