Illa brazileiru ne'ebé iha samea perigozu liu iha mundu (ho Foto)

Samea sira perigozu liu iha mundu hamutuk rihun haat bele hetan iha illa Queimada Grande ninia sorin, iha kilómetru 32 hosi kosta Saun Paulo, Brazil. Ho venenu ida ne'ebé bele oho ema ida no to'o halo nabeen ruin sira, samea sira ne'e dook hosi ema sira - asesu ba illa ne'e hanesan proibidu hosi autoridade brazileiru sira, tanba atake beibeik hosi reptil sira.




Ho rihun 430 metru kuadradu, illa ne'e hanesan habitat úniku ba samea jararaca-ilhoa – bothrops insularis – ne'ebé konsideradu hanesan samea venenozu liu iha mundu.

Tuir Smithsonian, iha de'it sientista balun maka iha lisensa hodi vizita illa ne'e, hodi estuda samea sira ne'e. Iha fatin seluk, kasadór ilegál sira, tinan-tinan, to'o iha illa ne'e hodi kaer samea jararaca-ilhoa, ne'ebé bele iha folin to'o €22 mil iha merkadu ilegál.

Smithsonian afirma razaun tansá samea ne'e venenozu tebes sei hanesan mistériu ida - tanba nia la'ós diferente hosi ninia prima sira iha kontinente. Teoria ida esplika katak, iha tinan rihun 11 liubá, nível tasi nian sa'e maka'as hodi haketak Queimada Grande hosi kontinente, nune'e samea sira ninia hahán úniku maka manu migratóriu sira.

Tanba venenu demora tempu atu halo efeitu - dalabarak demora loron - bainhira manu sira mate sira laiha ona illa. Nune'e, samea jararaca-ilhoa kria venenu ida maka'as liu ne'ebé bele oho lalais - maka'as liu venenu sira seluk, bele halo nabeen ruin no ema ninia isin.

 



ho Green Savers

horadoplaneta às 13:07 | link do post | comentar | Adicionar aos favoritos