Ikan sira mós iha sentimentu

Ikan sira hanesan animál estimasaun komun liu no, agora daudaun, ema buka han liu ikan duke na'an. Durante tinan barak hatete katak - liuliu komunidade sientífiku - katak ikan sira la senti moras hanesan mamíferu sira, tanba laiha estrutura fíziku hodi senti.




Maibé, estudu foun ida nega ona teoria ne'e. Investigasaun, ne'ebé halo hosi Culum Brown hosi Universidade Macquarie iha Sidnéi, konklui katak ikan sira la'ós de'it senti moras hanesan mamíferu sira maibé mós bele halo interasaun sosiál kompleksu sira.

"Revizaun ida ba evidénsia sira ba persepsaun moras nian hatudu maka'as katak ikan sira iha esperiénsia ba moras hanesan ho vertebradu sira seluk", refere estudu ne'ebé sita hosi Dodo. "Bainhira ita ezamina ikan ninia reseptór moras nian bele hetan markante hanesan ho reseptór sira iha ema sira. Reseptór sira moras nian iha vertebradu tomak mai hosi antesesór komun ida ba ikan sira", hatutan iha estudu ne'e.

Revizaun sientífiku mós sita estudu sira ne'ebé hatudu kapasidade kognitivu kompleksu sira ne'ebé iha ikan: hahú memória iha prazu naruk, tradisaun enraizadu sira, koperasaun ho animál sira seluk no uzu feramenta sira. Ikan sira bele rekoñese animál sira seluk espésie hanesan no investigadór balun defende katak ikan sira bele rekoñese sira ninia aan rasik.

ho Green Savers


horadoplaneta às 15:32 | link do post | comentar | Adicionar aos favoritos