Bareira korál sira iha Karaíba bele lakon iha tinan 20 ninia laran

Maioria hosi bareira korál sira iha Karaíba sei lakon iha tinan 20 ninia laran liuliu tanba ladún iha populasaun ikan sira nian, hanesan ourisu tasi nian ka ikan-papagaiu ne'ebé kontribui ba prosperidade korál sira nian.




Alerta ne'e fó hosi estudu foun ida, ne'ebé halo hosi matenek-na'in hamutuk na'in 90 ne'ebé analiza ona inkéritu hamutuk 35.000 ne'ebé halo iha fatin 100 resin oinseluk hosi Karaíba dezde tinan 1970, ne'ebé indika katak korál sira iha rejiaun Atlántiku nian lakon ba 50%.

Maibé, bele rekupera populasaun ikan importante sira ba prosperidade korál sira nian no aumenta medida protesaun sira hasoru peska maka'as no hasoru poluisaun, bele rekupera korál sira no halo sira bele hasoru impaktu sira hosi alterasaun klimátiku sira, haktuir hosi estudu Globel Coral Reef Monitoring Network nian, International Union for Conservation of Nature no United Nations Environment Programe.

Maski alterasaun klimáriku sira no konsekuente asidifikasaun oseanu nian no korál sira ninia mate, sei hanesan ameasa boot ba rejiaun, estudu konklui katak presaun turizmu lokál, peska esesivu no poluisaun hanesan problema boot sira. Ne'e hanesan fatór sira ne'ebé hamenus populasaun ikan nian.

Ikan pastajen sira hanesan importnate ba ekosistema tasi nian tanba sira han alga sira ne'ebé oho korál. Relatóriu hatudu katak bareira korál balun ne'ebé iha saúde iha Karaíba iha tanba ezisti populasaun boot ikan-papagaiu nian.

Karaíba iha besik 9% bareira korál iha nivel mundiál, maibé iha de'it oituan maka moris iha tempu agora. Bareira sira, ne'ebé bele hetan iha nasaun 38, importante tebes ba ekonomia rejiaun nian no suporta ema liu millaun 43, halo osan millaun rihun €2,2 iha reseita turístiku no peska nian no euro millaun ida resin iha serbisu seluk, refere hosi Guardian.

Relatóriu subliña mós katak korál sira hetan protesaun hosi peska esesivu, nune'e mós hosi ameasa seluk - poluisaun kosteira, turizmu no dezenvolvimentu kosteiru - hanesan fleksivel liu ba presaun sira ne'ebé provoka hosi alterasaun klimátiku sira.

ho Green Savers

horadoplaneta às 18:18 | link do post | comentar | Adicionar aos favoritos