Kalifórnia hanesan estadu norte-amerikanu dahuluk maka halakon saku plástiku

Kalifórnia sai hanesan estadu norte-amerikanu dahuluk ne'ebé maka halakon uzu saku plástiku deskartável sira. Norma ne'e karik sei hala'o iha loron 1 fulan-Jullu 2015.




Maski iha ona sidade kalifornianu 124 adopta ona medida hodi regula uzu saku plastiku sira, maibé seidauk konsege implementa norma ne'e iha estadu tomak. Iha tinan 2013, estadu Kalifórnia rasik tenta halakon saku plástiku iha teritóriu tomak, maibé proposta ne'e hetan rejeita.

Nune'e, hafoin dékada ida luta hodi bandu saku plástiku sira, ambientalista no defensór sira medida ne'e afirma katak ne'e sei hanesan dalan di'ak liu atu estadu kalifornianu bele implementa hodi hamenus plástiku ninia restu iha oseanu no rezervatóriu sira bee nian.

"Ami la presiza espekula katak proibisaun saku plástiku sira hanesan dalan di'ak ida. Pelumenus tinan ida ona maka kalifornianu millaun 10 resin maka moris ona lahó saku plástiku hosi supermerkadu sira iha sira ninia komunidade", haktuir hosi Mark Murray, diretór-ezekutivu ONG Californians Against Waste. "Proibisaun saku sira hamenus restu no poluisaun ne'ebé plástiku halo no hamenus kustu ba superfísie komersiál sira", nia hatutan.

Agora, atu norma ne'e bele aprova hosi Senadu kalifornianu nian presiza de'it katak lejislasaun tenki asina hosi governadór Jerry Brown hodi sai efetivu hanesan lei, ne'ebé karik sei akontese iha loron 30 fulan-Setembru, haktuir hosi Inhabitat. Dalan ne'e sei afeta farmásia no supermerkadu sira hahú tinan 2015 no loja hemun no konveniénsia sira hahú iha tinan oinmai.

ho Green Savers

horadoplaneta às 12:07 | link do post | comentar | Adicionar aos favoritos