Arkeólogu sira deskobre kalsa nebe tuan liu iha mundu

Eskavasaun ida iha Xina oeste hatudu sai kalsa par rua nebe tuan liu iha mundu, besik tinan rihun tolu, haktuir hosi German Archaelogical Institute.

 


Kalsa hirak ne’e pertense ba povu Yanghai no hanoin katak povu nómada antigu sira hatais sira nia kalsa hanesan ho ita, iha tempu modernu: hatama ain iha fatin ida-idak.

Fabrika ho kabas besik tinan 3.300 ba 300, kalsa hirak ne’e hetan husi Ulrike Beck no Mayke Wagner. Haree ba kalsa ne ninia tinan, vestuáriu ne’e hanesan loos ho agora nian.

 


Tuir Ecouterre, deskoberta publika ona iha Quaternary Internasionál no hatudu mós objetu seluk nebe hili ona: sasán hodi sa’e kuda no arma mutin. Maibé kalsa hirak ne'e maka kapta investigadór sira nia atensaun, sira fiar katak parte importante ba ita nia hatais ne'e karik inventa iha Ázia Sentrál, hodi substitui toga ka túnika sira iha tempu foun bainhira funu sei uza kuda sira.

Kalsa sira ne’e hanesan úniku tanba halo personalizadu ba tamañu no forma ema nian, no la falta aspetu dekorativu iha objetu ne’e. “Kalsa hirak ne’e hanesan parte ida importante hosi feramenta (loron-loron) ema nian, kontribui hodi hadi'a ninia kualidade fíziku”, konklui investigador sira.

ho Green Savers

horadoplaneta às 10:49 | link do post | comentar | Adicionar aos favoritos