Havai hakarak hasai ema sira laiha uma husi zona turístika sira

Autarkia Honolulu nian, kapitál estadu norte-amerikanu Havai nian, foin lalais aprova ona medida ida hodi permite katak autoridade polisiá sira hasai ema uma laiha hosi zona turístika sira.

 


Entre medida barak maka aprova ona no destina subar ema sira nebe laiha uma , bandu ema ruma hodi tuur ka toba iha paseiu Waikiki nian rai famozu destinu surf ida. Munisípiu hakarak mós muda ema laiha uma na'in 4.700 resin hosi Oahu ba kampu temporáriu ida iha illa remota industriál dook husi resort turístiku sira.

Medida sira aprova ona hodi hatán ba presaun nebe hetan beibeik hosi  indústria hoteleira no turístiku, nebe indika katak turista sira dalabarak kesar kona-bá falta seguransa no foer so'e arbiru hosi ema uma laiha sira.

Impozisaun foun sira hetan krítika barak hodi akuza governu lokál hodi transforma ema uma laiha sira ba kriminozu. “ami ajuda públiku hodi hasoru ema uma laiha sira hanesan ema sira nebe laiha oin, halo sira hanesan la'ós ema moris, maibé hanesan objetu deskartável sira”, afirma hosi deputadu ida iha asembleia lokál, Breene Harimoto, nebe vota kontra impozisaun foun sira, sita Inhabitat.

Associated Press hola medida katak autarkia sidade ne’e hakarak kria hela fatin permanente ba ema sira uma laiha, maibé projetu sei hotu iha tinan ida nian laran de’it.

ho Green Savers

horadoplaneta às 15:29 | link do post | comentar | Adicionar aos favoritos