Noruega hanesan nasaun ida nebe preparadu hodi rezisti hasoru alterasaun klimátiku

Tinan-tinan, Universidade Notre Dame publika atualizasaun ba Global Adaptation Index, lista ida nebe hatudu nasaun sira nebe iha preparasaun di'ak hodi hasoru alterasaun klimátiku no nasaun sira nebe ladún preparadu.



Iha fatin dahuluk ranking nian maka nasaun Noruega nebe preparadu hasoru alterasaun klimátiku sira. Tuir Nova Zelándia, Suésia, Finlándia ho Dinamarka nebe taka fatin lima dahuluk nian. Portugal mosu iha pozisaun 29, pozisaun nebe mantén nafatin hahú iha tinan 2012.

Índise ne'e avalia kapasidade nasionál hosi nasaun 175, bazeia iha kondisaun hasoru alterasaun klimátiku sira no ninia kapasidade adaptasaun lalais hasoru inundasaun, tempestade no dezastre naturál sira nebe mosu beibeik tanba alterasaun klimátiku sira, refere hosi Motherboard.

Klasifikasaun sira tinan 2014 mosu lahó supreza barak. Nasaun sira nebe iha preparasaun di'ak liu hodi hatán ba konsekuénsia alterasaun klimátiku sira nian maka nasaun dezenvolvidu sira, avansadu iha teknolojia no iha igualdade sosiál hanesan. Nasaun subdezenvolvidu sira maka tama iha pozisaun ikus sira lista nian, ladún iha asesu ba rekursu importante sira, ladún iha avansu teknolójiku no ladún iha polítika ekonómiku sira.

ho Green Savers

horadoplaneta às 15:12 | link do post | comentar | Adicionar aos favoritos