Papa sei husu ba katóliku sira hodi kombate hasoru alterasaun klimátiku

Iha fulan-Marsu tuirmai, Papa Francisco sei fó sai dekretu ida hodi husu ba katóliku sira iha mundu tomak atu kombate hasoru alterasaun klimátiku.

 

Papa Francisco durante bénsaun Urbi et Orbi iha loron 25 Dezembru 2014 liubá. EPA@ Alessandro di Meo


Dokumentu ne'e sei sai hanesan dokumentu ida nebe Papa ida hasai no sei diriji ba fiar-na'in katóliku sira hamutuk millaun rihun 1,2 resin.

Dokumentu, tuir Guardian, sei fó sai hafoin vizita ida ba Tacloban - sidade filipinu ida nebe tufaun ida estraga iha tinan 2012 - no ajendadu ona ba fulan-Marsu.

Karta ida hanesan ne'e ladún fó sai iha istória Igreja Katólika nian, nune'e Papa nia mensajen sei sai hanesan urjente no ho gravidade. Papa sei husu ba komunidade katóliku iha mundu la'ós atu kombate de'it alterasaun klimátiku hodi siénsia nia naran maibé mós halo pedidu ne'e sai hanesan obrigasaun moral ida ba fiar-na'in sira. Dekretu ne'e karik sei iha pájina 50 ka 60 no sei fahe ba bispu rihun lima resin no padre 400.000 iha mundu tomak.

Papa nia mensajen ne'e bele to'o ba ema ida-idak duké mensajen sira seluk nebe fó sai hosi grupu polítiku ka ambientalista sira kona-bá asuntu ne'e. Iha ajenda Papa nian sei ko'alia mós kona-bá tema ne'e iha Asembleia Jeral Nasaun Unidu nian iha Nova Iorke.

com Green Savers

horadoplaneta às 14:44 | link do post | comentar | Adicionar aos favoritos