Konsertu mundiál ba klima iha loron 18 Juñu halibur artista atus resin

Artista atus resin sei partisipa iha loron 18 fulan-Juñu iha konsertu mundiál ida hodi husu akordu ambisiozu ida kona-bá klima iha finál tinan ne'e, fó sai hosi antigu visi-prezidente norte-amerikanu Al Gore iha loron-kuarta ne'e.


Al Gore, antigu visi-prezidente EUA nian, durante sesaun ida iha Fórum Ekonómiku Mundiál edisaun 45, nebe halo iha Davos (Suisa). EPA@Laurent Gillieron


"Ita sei iha akontesimentu mundiál ida, iha kontinente hitu", "Live Earth", hodi obriga responsável mundiál sira atu hala'o akordu ambisiozu ida kona-bá alterasaun klimátiku iha konferénsia kona-bá klima, iha fulan-Dezembru, iha Paris, hatete hosi Al Gore, iha edisaun ba dala 45 hosi Fórum Ekonómiku Mundiál nebe hala'o daudaun iha Davos (Suisa) to'o loron-sábadu.

Konsertu ne'e sei haree hosi ema millaun rihun resin, liuhosi televizaun, rádiu no "online", Al Gore hatete no hatutan katak Rio de Janeiro ho Paris sei sai mós hanesan sidade sira nebe sei hala'o espetákulu ne'e.

Eventu sei organiza hosi hosi produtór norte-amerikanu Kevin Wall, nebe iha tinan 2007 organiza ona konsertu ida "Live Earth" kona-bá klima.

Loron 18 fulan-Juñu, espetákulu sira sei hala'o iha "estúdiu boot sira", Wall hatete no aprezenta lista ida ho fatin neen.

"Ami hahú iha Xina", tuir Sydney, Rio de Janeiro, Cidade do Cabo, Nova Iorke no Paris, nia hatete. Grupu ida sei halo atuasaun iha mós Antártida.

"Ami iha artista koñesidu sira, hanesan númeru boot ida nebe halibur artista sira, ho mensajen ida: "Atua tanba klima", Kevin Wall hatete.

Aleinde Gore ho Wall, eventu ne'e mós fó sai hosi múziku norte-amerikanu Pharell Williams, nebe hanesan diretór kriativu "Live Earth" nian.

ho Lusa/AFP

horadoplaneta às 15:26 | link do post | comentar | Adicionar aos favoritos