Xina, Indonézia, Filipina, Vietnam ho Sri Lanka sai responsável ba lixo tonelada resin

Xina, Indonézia, Filipina, Vietnam ho Sri Lanka hanesan nasaun lima nebe sai hanesan responsável prinsipál ba plástiku tonelada millaun ualu nebe eziste iha oseanu, haktuir hosi estudu sientífiku ida nebe fó sai ohin iha revista Science.

 

Ema sira nebe hamoos hela foer sira iha illa Mabuhay, iha sidade Paranaque, iha Filipina. EPA@ Ritchie B. Tongo


Tuir estudu, iha tinan 2010, jestaun la di'ak ba rezíduo ho foer sira nebe so'e iha mundu tomak hamosu akumulasaun ba plástiku hamutuk tonelada millaun ualu iha oseanu sira, nebe bele prejudika moris iha tasi laran.

Estudu refere katak Xina, Indonézia, Filipina, Vietnam ho Sri Lanka sai hanesan nasaun sira nebe kontribui ba ezisténsia tonelada sira ne'e nian, nebe kalkula ho baze iha modelu matemátiku ida nebe determina kuantidade foer nebe ema sira halo iha nasaun sira nebe situa iha litorál.

"Númeru bele sai aat liu. Ho populasaun nebe aumenta, konsumu plástiku no rezíduo nebe aumenta iha tinan 2025, númeru sei dobra", haktuir hosi investigadór ida hosi Universidade Gerogia nian, Jenna Jambeck.

Investigadór ne'e hatete mós katak nasaun sira nebe iha dezenvolvimentu lalais iha tendénsia atu kontribui liu ba ezisténsia foer plástiku nian iha oseanu tanba sira ladún iha kapasidade hodi dezenvolve sistema ida jestaun nian nebe adekuadu ba rezíduo sira.

ho Lusa

horadoplaneta às 21:37 | link do post | comentar | Adicionar aos favoritos