Austrália oho koala atus resin

Autoridade australianu sira oho koala hamutuk atus hitu resin tanba númeru aas tebes ba animál ne'e no tanba laiha kapasidade atu hetan hahán sufisiente ba nian, haktuir ohin hosi governu.


 

Ministra ambiente, Lisa Neville, hatete katak koala sira mate liuhosi eutanásia iha zona Cape Otway, besik iha zona turístiku Great Ocean Road, iha tinan 2013 no tinan 2014.

 

"Intervensaun ne'e hanesan importante hodi evita sofrimentu ba koala sira tanba sira labele hetan hahán sufisiente", afirma hosi Neville, liuhosi komunikadu ida, hodi esplika katak animál ne'e mate daudaun tanba hamlaha.

 

"Populasaun nebe aumenta no to'o ona koala 20 tuir hektár ida iha Cape Otway", nia hatutan.

 

Tuir Neville, hetan ona koala hamutuk 686 iha kondisaun saúde nebe ladún di'ak no veterináriu sira oho tiha hafoin sira rona tiha opiniaun hosi espesialista sira moris di'ak animál nian.

 

ho Lusa

horadoplaneta às 12:02 | link do post | comentar | Adicionar aos favoritos