Tinan-tinan mundu so'e euro biliaun ida iha hahán sira nebe estraga

Bainhira parte balun iha mundu (dezenvolvidu) tinan-tinan so'e hahán nebe sira la han ba lixu, iha parte seluk iha ema millaun 805 nebe hamlaha, haktuir hosi FAO, organizmu Nasaun Unidu nian ba Alimentasaun.

 

Iha foto: labarik filipinu ida nebe hili foer iha tasi-ibun ida iha Manila, Filipina. EPA@ Francis R. Malasig

 

Bainhira mundu dezenvolvidu ka nebe iha dezenvolvimentu estraga hahán nebe prodús tinan-tinan hamutuk tonelada millaun rihun haat - ho folin besik euro bilaun ida -, iha parte seluk iha mundu (liuliu iha Áfrika) iha ema millaun 805 maka hamlaha. Buat nebe xokante liu maka, tuir FAO, organizmu Nasaun Unidu nian ba Alimentasaun, katak tinan-tinan labarik hamutuk millaun 2,5 mate tanba nutrisaun nebe ladi'ak.

 

Maibé lista hosi Nasaun Unidu ne'e sei kontinua: labarik millaun 100 maka ladún iha pezu todan; millaun 1,4 maka iha pezu todan liu no, iha fatin seluk hosi balansu dezigualdade nian maka Nasaun Unidu identifika ona ema bokur millaun 500 iha mundu tomak. Konkluzaun: aleinde estraga, mundu sei labele halo hahán to'o ba ema sira nebe presiza tebes: ema kiak no ema vulnerável sira.

Ba Hélder Muteia, reprezentante FAO nian iha Portugal, buat sira ne'e hanesan "xokante", maibé aat liu maka situasaun ne'e sei aumenta nafatin. Populasaun mundu nian sei aumenta hosi númeru atuál millaun rihun 7,2 ba millaun rihun sia iha tinan 2050, haktuir hosi kálkulu nebe Nasaun Unidu halo.

Produsaun hahán nian tenki aumenta ba 60%

Iha tinan 35 tuirmai produsaun hahán iha nível mundiál tenki aunenta ba 60%, hasoru folin atuál sira. Tanba aumenta ona ema sira nebe buka hahán no mós tanba fenómenu urbanizasaun nebe aumenta. 70% hosi populasaun sei moris iha sidade no área sira besik sidade, nune'e sei ladún iha ema sira nebe kuda hahán iha kampu sira. Iha fatin seluk, FAO hanoin katak área sira nebe kultivadu sei aumenta de'it ba 20% "no iha projesaun sira nebe pesimista tebes duké ita nian", haktuir hosi Hélder Muteia.

Tuir responsável ne'e, karik resposta bele mosu iha produsaun super-hahán (lentilla, soja, batar-midar no beteraba) no superplanta sira (hanesan ai-farina, batar no mós hare), nune'e mós kuda hahán iha dezertu sira.

ho Expresso

horadoplaneta às 15:20 | link do post | comentar | Adicionar aos favoritos