Austrália sai hosi nasaun 10 nebe ho investimentu maka'as iha renovável

Austrália latama ona iha lista hosi nasaun sanulu ne’ebé ho investimentu bot ba iha área enerjia renovável tinan 2014 maski sai di’ak ona no rejista anin forte, tuir organizasaun independente fó sai.


 

Konsellu Klima haktuir katak bainhira investimentu ba projetu enerjia renovável aumenta besik 10% iha mundu tomak, iha 2014, maibe iha Austrália tuun hosi 2.100 ba dolár milloens 300 (hosi 1.948 ba euros milloens 306), tuir relatóriu hosi Programa ONU ba Meiu Ambiente (PNUMA) fó sai.

 

Relatóriu ne’e mosu tanba Banco Santander, investidór enerjia renovável bot iha Austrália, iha itensaun atu faan ninia parke eólico únika no husik setór ne’e tanba inserteza polítika, dehan Konsellu.

 

Sydney Morning Herald haktuir iha tersa-feira ne’e katak Santander sei faan asaun 90% ba iha parke eólico Taralga, maibé informasaun ne’e ladauk hetan konfirmasaun hosi diretór ezekutivu banku nian iha Austrália, David Smith.

 

Governu koligasaun konservadora ne’ebé asumi poder iha setembru 2013, lafixa ninia objetivu kona-ba uza enerjia renovável ba tinan 2020, hodi hamenus tiha besik 90% ba iha investimentu setór refere.

 

“Ami-ninia parseiru komersiál bobot sira aproveita daudaun oportunidade ne’ebé fó hosi topu renovável iha mundu, no Austrália lakon oportunidade ne’e tanba kontinua ho inserteza polítika no aumenta tan risku soberanu”, dehan konselleiru hosi Konsellu Klima, Andrew Stock.

 

ho Lusa

horadoplaneta às 23:06 | link do post | comentar | Adicionar aos favoritos