Greenpeace okupa plataforma petrolífera Shell hodi fó sai kona-ba esplorasaun Ártiku

Militante ho organizasaun ekolojista Green peace horisehik okupa ona plataforma petrolífera Shell nian ida ne’ebé hala’o hela viajen bá Oseanu Ártiku, hodi alerta kona-ba perigu esplorasaun hidrokarbonetu, tuir fonte hosi organizasaun la’os-governamentál ne’e fó sai.

 

 

Ativista na’in neen hosi organizasaun defeza ambiente nian sa’e ba plataforma ne’ebé ho tonelada rihun 38, ho naran “Polar Pioneer”, bainhira sei iha Oseanu Pasífika, kilómetru 1.200 ba oeste Havai, uza ró ne’ebé halo ho pneu, hosi ró Greenpeace, “Esperanza".

 

 

Militante na’in neen ne’e mai hosi EUA, Alemaña, Nova Zelándia, Austrália, Suésia no Áustria, sira mós iha mantimentu ba loron barak no bele ko’alia ba mundu tomak, hatutan Greenpeace iha komunikadu.

 

“Ami konsege! Ami hela plataforma Shell. No la’os mesak. Imi hotu bele ajuda hodi transforma hodi sai plataforma ne’ebé apoia poder ba povu”, dehan partisipante ida, Aliyah Field liu hosi mensajen ne’ebé publika iha Twitter.

 

Partisipante seluk, neozelandés Johno Smith dehan: “Ami iha ne’e hodi subliña katak menus hosi loron 100 Shell sei ba iha (Oseanu) Ártiku hodi peskiza mina”.

 

Smith hatutan tan katak “ambiente puru hanesan ne’e presija hetan protesaun ba jerasaun futuru nian no ba mós seres vivu seluk ne’ebé sei hela iha ne’ebá”, ho razaun katak, “la’os Shell (prevé) maka sai hanesan benefisiu ba fuzaun zelu hodi aumenta dezastre ne’ebé ema maka kria”.

 

Portavóz Shell nian ida, Kelly Op de Weegh, dehan ba AFP katak “manifestante Greenpeace nian halo embarkasaun ilegalmente ba iha “Polar Pionner”, ne’ebé kontrola hosi Shell, no ida ne’e la’os fó de’it perigu ba seguransa tripulasaun maibé ba mós manifestante ninia aan rasik”.

 

Kelly Op de Weegh dehan mós katak “Shell hasoru malu ona ho organizasaun no ema hirak ne’ebé kontra esplorasaun petrolífera iha Alaska (Estadu EUA nian)”, hatutan tan katak maski “respeita ho pontu devista ne’e” no “hakarak halo diálogu”, Shell “sei latolera serbisu tátika ilegál ne’ebé Greenpeace uza ka fó dalan atu serbisu ne’e inkomoda perparativu hothotu ne’ebé iha ona hodi hala’o programa esplorasaun seguru no responsável”.

 

SAPO TL ho Lusa

horadoplaneta às 06:11 | link do post | Adicionar aos favoritos