Marte bele iha bee líkidu, maibé laiha moris

Análize dadus robô Curiosity, NASA nian, reforsa ipóteze katak bee líkidu bele eziste iha Marte, revela horisehik estudu ida, alerta, maibé, ba improbabilidade atu hetan moris iha planeta.

 

 

"Ami deskobe kálsiu perkloratu iha rai, ne’ebé, iha kondisaun balun, absorva vapór bee nian iha atmosfera", esplika koautór investigasaun ida, Morten Bo Madsen, hosi Institutu Niels Bohr hosi Universidade de Copenhaga, iha Dinamarka.

 

Perkloratu ne’e, tipu masin ida, hatun pontu konjelasaun bee nian, ba pontu atu sai líkidu.

 

"Mezmu karik bee, iha forma líkidu, eziste iha Marte, ne’e improvável atu hetan moris", refere, iha nia portál, institutu Morten Bo Madsen, hatudu katak ambiente "planeta vermelho" ne’e "maran liu, malirin no sujeitu ba radiasaun kósmika forte tebes tanbá ne’e penetra iha superfísie hodi hamate tipu moris hotu", pelumenus ne’ebé maka komparável ho ida iha Rai.

 

Tuir estudu ne’ebé publika iha revista Nature, wainhira to’o, parte ida hosi vapór bee nian iha atmosfera kondensa iha superfísie Marte nian hanesan jelu.

 

Maibé, kálsiu perkloratu absorvente tebes no sai fali bee no bee ho masin, ne’ebé hatun pontu konjelasaun no permite jelu transforma fali ba bee líkidu, esplika Morten Bo Madsen.

 

Sai rai ne’ebé porozu, bee infiltr-aan.

 

Observasaun sira hosi robô Curiosity, wainhira iha Monte Sharp, iha kratera Gale nia klaran, fó sasin mós kona-ba prezensa depózitu sedimentár nian ne’ebé husik hela iha pasadu dook hosi bee.

 

"Tipu depózitu ne’e forma wainhira kuantidade bo’ot hosi bee sului iha kratera no alkansa bee ne’ebé estagnada, sai fali lagu", adianta investigadér ne’e.

 

Tuir koautór investigasaun ida seluk, Alfred McEwen, hosi Universidade Arizona, iha Estados Unidos, karik iha bee ho masin iha Gale kratera, zona ne’ebé manas tebes no Marte, sai maran tanba ne’e menus propísia hodi hetan bee masin ne’e, posível atu nia mós mosu "fatin planeta sira seluk".

 

Robô Curiosity, hosi ajénsia espasiál norte-amerikana NASA, hela iha rai marsianu iha fulan agostu 2012, hodi estuda di’ak liu tan kona-ba planeta ne’e.

 

Fula ida ona maka, investigasaun konjunta ida hosi NASA no hosi Observatóriu Europeu Súl, organizasaun iha ne’ebé Portugál halo parte, revela katak oseanu primitivu iha Marte iha bee barak liu duke Oseanu Ártiku iha Rai no kobre superfísie bo’ot ida hosi "planeta vermelho" duku ida ne’ebé koberta hosi Oseanu Atlántiku iha "planeta azul".

 

Ekipa internasionál astrofíziku ida konsege “distine asinatura kímika ho tipu bee atmosférika Marte nian rua no halo mapa propriedade bee nian iha rejiaun atmosfera oioin " hosi planeta durante besik tinan neen.

 

SAPO TL ho Lusa

 

horadoplaneta às 02:27 | link do post | comentar | Adicionar aos favoritos